শেহতীয়াকৈ গিৰিজানন্দ চৌধুৰী বিশ্ববিদ্যালয়ৰ পৰিচালনা সমিতিয়ে আৰণ্যকৰ কাৰ্যবাহী সঞ্চালক ড০ বিভৱ কুমাৰ তালুকদাৰ আৰু অসম শক্তি উৎপাদন নিগম লিমিটেডৰ প্ৰাক্তন পৰিচালন সঞ্চালক বিভু ভূঞাক এবছৰৰ বাবে প্ৰফেছৰ অৱ প্ৰেক্টিছ হিচাপে নিযুক্তি দিছে। বিশ্ববিদ্যালয় অনুদান আয়োগৰ গাইডলাইন অনুসৰি এই নিযুক্তি দিয়া হৈছে, ইউজিচিৰ মতে এই প্ৰফেচৰ অৱ প্ৰেক্টিছৰ ধাৰণাই উচ্চ শিক্ষানুষ্ঠানসমূহক নিজৰ ক্ষেত্ৰৰ বিশেষজ্ঞতা শৈক্ষিক ক্ষেত্ৰখনলৈ আগবঢ়োৱাৰ বাবে গুৰুত্ব আৰোপ কৰে।
ড° বিভাব কুমাৰ তালুকদাৰ এজন প্ৰখ্যাত সংৰক্ষণ জীৱবিজ্ঞানী, আৰণ্যকৰ প্ৰতিষ্ঠাপক আৰু কাৰ্যবাহী সঞ্চালক লগতে এছিয়ান গঁড় বিশেষজ্ঞ গোটৰ অধ্যক্ষ। বন্যপ্ৰাণী গৱেষণা আৰু সংৰক্ষণৰ তিনি দশকৰো অধিক অভিজ্ঞতাৰে ড০ তালুকদাৰে ৰাষ্ট্ৰীয় আৰু আন্তঃৰাষ্ট্ৰীয় উভয় পৰ্যায়তে জৈৱ বৈচিত্ৰ্য সুৰক্ষা নীতি গঢ় দিয়াত গুৰুত্বপূৰ্ণ ভূমিকা পালন কৰিছে।
অসম শক্তি উৎপাদন নিগম লিমিটেডৰ প্ৰাক্তন পৰিচালন সঞ্চালক বিভূ ভূঞা ডাঙৰীয়াই অসমৰ শক্তি খণ্ডৰ পৰা নেতৃত্ব দি বিস্তৃত অভিজ্ঞতা লাভ কৰিছে, ভূঞা অসমৰ বিদ্যুৎ উৎপাদন খণ্ডৰ এজন গুৰুত্বপূৰ্ণ ব্যক্তি।
এই নিযুক্তিয়ে ছাত্ৰ-ছাত্ৰীসকলক বাস্তৱ জগতৰ উদ্যোগৰ পদ্ধতি, নীতি নিৰ্ধাৰণ, আৰু জৈৱ-বৈচিত্ৰ সংৰক্ষণ নেতৃত্বৰ সৈতে পৰিচয় প্ৰদান কৰি গিৰিজানন্দ চৌধুৰী বিশ্ববিদ্যালয়ৰ শৈক্ষিক পৰিৱেশ সমৃদ্ধ কৰিব বুলি আশা কৰা হৈছে। গিৰিজানন্দ চৌধুৰী বিশ্ববিদ্যালয়ৰ প্ৰফেচৰ অৱ প্ৰেক্টিছসকলে পাঠ্যক্ৰম নিৰ্মাণ কৰাত অংশগ্ৰহণ কৰিব, বক্তৃতা প্ৰদান কৰিব, ছাত্ৰ-ছাত্ৰীসকলক মাৰ্গদৰ্শন কৰিব।গিৰিজানন্দ চৌধুৰী বিশ্ববিদ্যালয়ে লোৱা এই সিদ্ধান্ত ৰাষ্ট্ৰীয় শিক্ষা নীতি ২০২০ আৰু ব্যৱহাৰিক জ্ঞান আৰু দক্ষতাভিত্তিক শিক্ষাক উচ্চ শিক্ষাত একত্ৰিত কৰা ক্ষেত্ৰত বিশ্ববিদ্যালয় অনুদান আয়োগৰ যি দৃষ্টিভংগীৰ তাৰ সৈতে সামঞ্জস্য আছে।
