বুধবাৰে লোকসভাত উত্থাপন কৰা ৱাকফ সংশোধনী বিধেয়ক ২০২৪ৰ এক উল্লেখযোগ্য পৰিৱৰ্তন হ’ল ৪০ নং ধাৰা বাতিল কৰা। য’ত ৱাকফ ব’ৰ্ডে যিকোনো মাটি ৱাকফৰ সম্পত্তি হিচাপে ঘোষণা কৰিব পাৰে। এই প্ৰস্তাৱিত সংশোধনীক কেন্দ্ৰ কৰি ৰাজনৈতিক ক্ষেত্ৰখনত এক উত্তপ্ত বিতৰ্কৰ সৃষ্টি হৈছে।
কেন্দ্ৰীয় সংখ্যালঘু পৰিক্ৰমা মন্ত্ৰী কিৰেন ৰিজিজুৱে বিধেয়কখন উত্থাপন কৰাৰ সময়ত কয় যে, “ৱাকফ আইনখনৰ আটাইতকৈ কঠোৰ ধাৰাটো আছিল ধাৰা ৪০, যাৰ জৰিয়তে ৱাকফ ব’ৰ্ডে নিজৰ বিবেচনা অনুসৰি যিকোনো মাটি ৱাকফৰ সম্পত্তি হিচাপে ঘোষণা কৰিব পাৰিছিল। আমি সেইটো বাতিল কৰিছো।”
মন্ত্ৰীগৰাকীয়ে লগতে কয় যে এই বিধেয়কখন পুৰ্বদৃষ্টিসম্পন্ন নহয় আৰু ইয়াক মুছলমান সম্প্ৰদায়ৰ পৰা মাটি কাঢ়ি নিয়াৰ কোনো উদ্দেশ্যেৰে অনা হোৱা নাই, যিটো দাবী কৰিছে একাংশ বিৰোধী নেতাই। তেওঁ কয় যে নতুন বিধেয়কখনৰ নাম “ইউএমইডি” বিল (ইউনিফাইড ৱাকফ মেনেজমেণ্ট এম্পাৱাৰমেণ্ট, ইফিচিয়েন্সি এণ্ড ডেভেলপমেণ্ট বিল) ৰখা হৈছে।
