ৰাজ্যজুৰি অব্যাহত আছে ড্ৰাগছ বিৰোধী অভিযান।
এজন এজনকৈ ড্ৰাগছ ব্যৱসায়ী পৰিছে আৰক্ষীৰ জালত।
আৰক্ষীৰ প্ৰৱল অভিযানত পুনৰ গোলাঘাট চহৰৰ মাজমজিয়াৰ চন্দন নগৰত ড্ৰাগছসহ গ্ৰেপ্তাৰ হৈছে এজন ড্ৰাগছ ব্যৱসায়ী ।
এক গোপন সূত্ৰৰ পম খেদি আজি গোলাঘাট আৰক্ষীয়ে চহৰখনৰ চন্দন নগৰস্থিত ড্ৰাগছ ব্যৱসায়ী জনাৰ্দন বৰদলৈৰ বাসগৃহত তালাচী চলাই বাসগৃহত লুকুৱাই থোৱা অৱস্থাত কিছু পৰিমাণে ড্ৰাগছ , চিৰিঞ্জ উদ্ধাৰ কৰাৰ লগতে ৰূপৰ জোতা আকৃতিৰ এবিধ সামগ্ৰী উদ্ধাৰ কৰে ।
জানিব পৰা মতে জনাৰ্দন বৰদলৈ ড্ৰাগছ আসক্ত হোৱাৰ লগতে বহুদিনৰ পৰা এই ড্ৰাগছ ব্যৱসায় চলাই আহিছিল ।
আজি এই অভিযানত জনাৰ্দন বৰদলৈ বাসগৃহত ড্ৰাগছ উদ্ধাৰ কৰি বৰদলৈক গ্ৰেপ্তাৰ কৰে গোলাঘাট আৰক্ষীয়ে।