শুকুৰবাৰে অসমৰ কাৰ্বি আংলং জিলাৰ পৰা ৭ কোটি টকাৰ বৃহৎ নিষিদ্ধ ড্ৰাগছ জব্দ কৰা হৈছে।
বিষয়াসকলে জনায় যে কাৰ্বি আংলং জিলাৰ আৰক্ষী অধীক্ষক আৰু বোকাজানৰ মহকুমা আৰক্ষী বিষয়া জন দাসৰ নেতৃত্বত কাৰ্বি আংলং আৰক্ষীৰ এটা দলে বৃহস্পতিবাৰে নিশা এক অভিযান চলায় আৰু খটখটি অঞ্চলত এনএল-০২এন-৩৭৫৮ আৰু এমএন-০১-৯৯১২ নম্বৰৰ দুখন ট্ৰাক জব্দ কৰে।
বিষয়াসকলে জানিবলৈ দিছে যে তালাচীৰ সময়ত দুয়োখন বাহনৰ পৰা ৩০,০০০ নিষিদ্ধ য়াবা টেবলেট আৰু ৭৫৭.১৫ গ্ৰাম হেৰোইন থকা ৫৫ টা চাবোন কেছ উদ্ধাৰ কৰা হৈছে।
ড্ৰাগছ উদ্ধাৰৰ সৈতে জড়িত তিনিজন সৰবৰাহকাৰীক গ্ৰেপ্তাৰ কৰা হৈছে।
বোকাজানৰ এছডিপিঅ’ জন দাসে কয় যে নিষিদ্ধ ড্ৰাগছ কঢ়িওৱাৰ বাবে তিনিজন লোকক আটক কৰা হৈছে। জব্দ কৰা ড্ৰাগছখিনিৰ আনুমানিক মূল্য প্ৰায় ৭ কোটি টকা হ’ব।
লগতে পঢ়ক: আমেৰিকা ভ্ৰমণত সৰ্বাধিক ব্যয় ২৩ কোটি! প্ৰধানমন্ত্ৰী মোডীৰ ৫ বছৰত ৩৬ টা বিদেশ ভ্ৰমণত খৰচ কিমান?
গ্ৰেপ্তাৰ কৰা লোককেইজনক ইছলাম উদ্দিন (২৯), মোঃ সমীৰ (৩৩), আৰু মোঃ মানাওবি (৩৫) বুলি চিনাক্ত কৰা হৈছে আৰু তেওঁলোক মণিপুৰৰ বাসিন্দা।