হাজোত বন্যাৰ্তৰ কাষত কংগ্ৰেছ নেতা দুলু আহমেদ, সকলোকে সহায়ৰ আহ্বান
ডেৰ দশকৰ পিছত হোৱা ভয়াৱহ বানত ৰাজ্যৰ বিভিন্ন প্ৰান্তৰ লগতে সৰ্বাধিক ক্ষতিৰ সন্মুখীন হৈছে হাজো। হাজোৰ বানাক্ৰান্তৰ কাষত থিয় দিছে হাজোৰ শাসক-বিৰোধী সকলো।
বিদেশৰ ব্যক্তিগত ভ্ৰমণ সূচী বাতিল কৰি ইংলেণ্ডৰ পৰা হাজোৰ বানাক্ৰান্তৰ কাষলৈ ঢপলিয়াই আহিছে কংগ্ৰেছ নেতা দুলু আহমেদ। হাজোৰ কংগ্ৰেছ নেতা-কৰ্মীৰ এটা দল লগত লৈ দুলু আহমেদে পৰিদৰ্শন কৰে হাজোৰ কেইবাটাও বান বিধস্ত অঞ্চল।
তাৰোপৰি বানাক্ৰান্তৰ মাজত বিতৰণ কৰে বিভিন্ন খাদ্য সামগ্ৰীৰ লগতে বিশুদ্ধ খোৱা পানী। লগতে হাজোৰ বানাক্ৰান্তসকলক সকলো ধৰণৰ সহায় আগবঢ়োৱাৰ আশ্বাস দিয়ে কংগ্ৰেছ নেতা দুলু আহমেদে।
বানাক্ৰান্ত লোকসকলৰ স্বাস্থ্যৰ প্ৰতি লক্ষ্য ৰাখি তিনি দিনৰ ভিতৰত হাজোৰ ৪টা জিলা পৰিষদৰ অধীনৰ বানপীড়িত অঞ্চলত একেলগে ৪টা স্বাস্থ্য শিবিৰ অনুষ্ঠিত কৰাৰ কথা সদৰী কৰিছে দুলু আহমেদে। যিহেতু পানী শুকাই যোৱাৰ পিছতেই বানাক্ৰান্ত অঞ্চল সমূহত দেখা দিয়ে বিভিন্ন ৰোগে।
ইফালে সমষ্টি বাসীৰ দুদিনৰ সময়ত কোনেও যাতে ৰাজনীতি নকৰি বানাক্ৰান্তৰ ওচৰত একেলগে থিয় হয় তাৰ বাবে আহ্বান জনায় কংগ্ৰেছ নেতা দুলু আহমেদে।