কোকৰাঝাৰত দশমীৰ ব্যাপক উছাহ, দেৱী দুৰ্গাৰ চৰণত আশীস ল’লে বিপিএফ প্ৰধান হাগ্ৰামা মহিলাৰীয়ে

সমগ্ৰ ৰাজ্যৰ লগতে বিটিআৰ সদৰ কোকৰাঝাৰ চহৰতো দূৰ্গতিনাশিনী দেৱী দূৰ্গাৰ আজি দশমী পূজাৰ এক উছাহ বিৰাজ কৰি তুলিছে ভক্ত বৃন্দৰ মাজত ৷

এই উপলক্ষে কালি কোকৰাঝাৰ চহৰৰ পাথৰঘাট, সুভাষপল্লি,বিধানপল্লিকে ধৰি বিভিন্ন চাৰিটা পূজা মণ্ডপ ভ্ৰমণ কৰি দেৱী দূৰ্গাৰ আশীস ললে বিটিচিৰ প্ৰাক্তন কাৰ্যবাহী সদস্য তথা বিপিএফ দলৰ সভাপতি হাগ্ৰামা মহিলাৰীয়ে ৷

মহিলাৰীয়ে বিটিচি অঞ্চলৰ লগতে সমগ্ৰ অসমত সকলো জাতি জনগোষ্ঠীৰ মাজত শান্তি সম্প্ৰীতি আৰু ভ্ৰাতৃত্ববোধ বিৰাজ কৰা প্ৰাৰ্থনাৰে মহা নৱমীত দেৱী দুৰ্গাৰ চৰণত আশীস লোৱা বুলি সদৰী কৰে  ৷

তেওঁ দেৱীৰ আৰ্শীবাদত ৰাজ্যৰ উপ নিৰ্ৱাচনত গোঁসাইগাঁও সমষ্টিত বিপিএফ দলে জিকিব বুলিও দাৱী কৰে ৷ উল্লেখ্য যে,গোঁসাইগাঁও সমষ্টিত বিপিএফ দলে দলীয় প্ৰাৰ্থী হিচাৱে প্ৰক্ষেপ কৰিছে ধ্ৰৱ কুমাৰ ব্ৰহ্ম নাৰ্জাৰীক ৷