শিৱসাগৰ জিলাৰ যান-বাহন বিভাগে অনতিপলমে আৰম্ভ কৰিব ই-চালান।
যান-বাহন আইন ভংগকাৰী সকলে এতিয়াৰ পৰা জৰিমনা অন-লাইন যোগে পৰিশোধ কৰিব পাৰিব।
শিৱসাগৰ জিলাৰ আৰক্ষী অধীক্ষক শুভ্ৰজ্যোতি বৰাই আজি আৰক্ষী অধীক্ষক কাৰ্যালয়ত এক সংবাদ মেল সম্বোধন কৰি এই কথা সদৰী কৰে।
এতিয়াৰ পৰা কোনো লোকে যান-বাহন আইন ভংগ কৰিলে আৰক্ষীয়ে লোৱা ব্যৱস্থা সন্দৰ্ভত আইন ভংগকাৰীৰ ব্যক্তিগত মোবাইল ফোনলৈ যাৱতীয় জৰিমনাৰ তথ্য প্ৰেৰণ কৰা হ’ব।
উক্ত তথ্যত কিয়,কেতিয়া,কেনেকৈ তেওঁ যান-বাহন আইন ভংগ কৰিলে সেই সন্দৰ্ভত বিশদ বিৱৰণ থকাৰ লগতে তেওঁ ই-চালান চাইটলৈ গৈ উক্ত আইন ভংগৰ ফটো পৰ্যন্ত লাভ কৰিব বুলি আৰক্ষী অধীক্ষক গৰাকীয়ে সংবাদ মেলত জানিবলৈ দিয়ে।
