কাজিৰঙাৰ বনকৰ্মীক নিৰাপত্তা প্ৰদানৰ উদ্দেশ্যে ই এল ৰাইন’ ফাউণ্ডেশ্যনৰ লাইফ ৰিং প্ৰদান
ই এল ৰাইন’ ফাউণ্ডেশ্যন নামৰ এটা সংগঠনে কাজিৰঙা ৰাষ্ট্ৰীয় উদ্যানত কৰ্মৰত বনকৰ্মী সকলৰ জীৱন নিৰাপত্তাত সহায় হোৱাকৈ ১০০ টা লাইফ ৰিং প্ৰদান কৰে।
শনিবাৰে কাজিৰঙাৰ কহঁৰাত আয়োজিত এক অনুষ্ঠানত ই এল ৰাইন’ ফাউণ্ডেশ্যন নামৰ সংগঠনটোৱে এই লাইফ ৰিং আনুষ্ঠানিকভাৱে বনকৰ্মীৰ হাতত অৰ্পণ কৰে।
এই উপলক্ষে আয়োজিত অনুষ্ঠানটোত কাজিৰঙা ৰাষ্ট্ৰীয় উদ্যানৰ সহকাৰী বন সংৰক্ষক ঋতুপৱন বৰা, খণ্ড বন বিষয়া তৰুণ গগৈ, ই এল ৰাইন’ ফাউণ্ডেশ্যনৰ প্ৰতিষ্ঠাপক শীলা বৰা আৰু মহেশ চন্দ্ৰ বৰা উপস্থিত থাকে।
উল্লেখযোগ্য যে এই ই এল ৰাইন’ নামৰ ফাউণ্ডেশ্যন নামৰ সংগঠনটোৱে প্ৰদান কৰা এই লাইফ ৰিং বোৰে বাৰিষা অৰ্থাৎ বানপানীৰ সময়ত নাৱেৰে কাজিৰঙাৰ ভিতৰত বা ব্ৰহ্মপুত্ৰত কৰ্মৰত বনকৰ্মী সকলক তেওঁলোকৰ জীৱন ৰক্ষাত সহায়ক হ’ব বুলি জনায়।
আনহাতে ই এল ৰাইন’ ফাউণ্ডেশ্যনে প্ৰদান কৰা এই লাইফ ৰিং বোৰ ৰাষ্ট্ৰীয় উদ্যানখনৰ বিভিন্ন ৰেঞ্জলৈ পঠোৱা হ’ব বুলিও বন বিভাগৰ সূত্ৰৰ পৰা জানিব পৰা গৈছে।