বৃক্ক বিকল হ’লে শৰীৰে দিয়ে এই সংকেতসমূহ! আওকাণ কৰিলে হ’ব বিপদ
বৃক্ক (কিডনী) আমাৰ শৰীৰৰ এক নীৰৱ ৰক্ষক। তেজ পৰিষ্কাৰ কৰা, বেয়া পদাৰ্থ আঁতৰোৱা, শৰীৰৰ জল-লবণৰ ভাৰসাম্য বজাই ৰখা আৰু ৰক্তচাপ নিয়ন্ত্ৰণত ই এক অপৰিহাৰ্য অঙ্গ। কিন্তু এই অঙ্গটোত যদি বিকল হ’বলৈ অৰম্ভ কৰে তেতিয়া শৰীৰে কিছু গুৰুত্বপূৰ্ণ সংকেত দিয়ে—যিবোৰ অধিকাংশ সময়তে আমি উপেক্ষা কৰোঁ।
বিশেষজ্ঞসকলৰ মতে এই সংকেতসমূহ দেখা দিয়াৰ সময়মতে চিনাক্ত কৰিলে চিকিৎসা কৰিলে বহু গভীৰ সমস্যাৰ পৰা নিজকে ৰক্ষা কৰিব পাৰি।
বৃক্ক বিকল হোৱাৰ সম্ভাৱ্য কাৰণসমূহ:
- ডায়েবেটিছ (চুগাৰ)
- উচ্চ ৰক্তচাপ
- সঘনাই প্ৰস্ৰাৱ সংক্রমণ
- ঔষধৰ দীৰ্ঘম্যাদী সেবন
- জিনীয় সমস্যাসমূহ
- বৃক্কত পাথৰ বা আঘাত
কিদৰে চিনিব বৃক্কৰ সমস্যাৰ প্ৰাৰম্ভিক সংকেত?
১. প্ৰস্ৰাৱৰ ধাৰণত পৰিৱৰ্তন
যদি ৰাতিপুৱা বা নিশা সঘন প্ৰস্ৰাৱ হয়, অথবা হঠাৎ প্ৰস্ৰাৱৰ পৰিমাণ, ৰং, বা গন্ধত পৰিৱৰ্তন দেখা যায়, সেয়া বৃক্কৰ সমস্যা হোৱাৰ ইঙ্গিত হ’ব পাৰে।
বিশেষকৈ—তেজ থকা প্ৰস্ৰাৱ, ক’লা ৰং, বা জ্বলন প্ৰভৃতি লক্ষণক উপেক্ষা নকৰিব।
২. শৰীৰ ফুলা দেখা দিয়া
বৃক্ক সঠিকভাৱে কাম নকৰিলে শৰীৰত পানী আৰু নিমখ জমা হ’বলৈ ধৰিব পাৰে। ফলস্বৰূপে ভৰি, মুখ, চকুৰ তলত বা গোৰোহা ফুলি উঠিব পাৰে।
৩. ক্লান্তি, দুৰ্বলতা আৰু মূৰ ঘূৰোৱা
বিষাক্ত পদাৰ্থ তেজৰ সৈতে জমা হৈ থাকিলে শৰীৰ ভাগৰুৱা লাগে, দম কমি যায়, আৰু কেতিয়াবা হিম’গ্লবিনো হ্ৰাস পায়।
৪. ভোকৰ অভাৱ আৰু খাদ্যৰ ৰুচি হ্ৰাস
শৰীৰত জমা হোৱা বেয়া পদাৰ্থৰ প্ৰভাৱত মুখ তিতা অনুভৱ হ’ব পাৰে, আৰু খাদ্যৰ প্রতি অনীহা দেখা দিয়ে।
৫. ছালত খজুৱতি আৰু শুকান ভাব
কোনো স্পষ্ট কাৰণ নোহোৱাকৈ ছালত খজুৱতি বা শুকান ভাব থাকিলে ই বৃক্কৰ বিকল হোৱাৰ সংকেত হ’ব পাৰে। বিশেষকৈ জ্বলা বা ফোহা উঠা দেখা দিলে চিকিৎসকৰ পৰামৰ্শ কৰা উচিত।
৬. উশাহ লোৱাত অসুবিধা
বৃক্কৰ সমস্যা হ’লে পানী হাওঁফাওঁলৈ গৈ সামান্য পৰিশ্ৰমতো উশাহ-নিশাহত কষ্ট, বুকু টান ধৰা দেখা দিব পাৰে।
৭. নিয়ন্ত্ৰণ নোহোৱা উচ্চ ৰক্তচাপ
যিহেতু বৃক্কই ৰক্তচাপ নিয়ন্ত্ৰণত সহায় কৰে। যদি কোনো ব্যক্তিৰ বি পি হঠাৎ বাঢ়িবলৈ আৰম্ভ কৰে আৰু ঔষধৰ দ্বাৰাও নিয়ন্ত্ৰণ কৰিব পৰা নাযায়, তেন্তে ই বৃক্ক বিকল হোৱাৰ লক্ষণ হ’ব পাৰে।
কেনেকৈ সাৱধানতা অবলম্বন কৰিব?
- নিয়মিত ৰক্ত চাপ, চুগাৰ আৰু বৃক্কৰ কাৰ্য ক্ষমতা পৰীক্ষা কৰক।
- পৰিয়ালত যদি বৃক্কৰ সমস্যা, ডায়েবেটিছ বা উচ্চ ৰক্তচাপ থাকে, তেন্তে বিশেষভাৱে সাৱধান হওক।
- পৰ্যাপ্ত পৰিমাণত পানী খাব, সুষম আহাৰ গ্ৰহণ কৰক, ধূমপান আৰু মদ্যপান ত্যাগ কৰক।
- যিকোনো সন্দেহজনক লক্ষণ দেখা দিলে ডাক্তৰৰ পৰামৰ্শ ল’বলৈ অবহেলা নকৰিব।
আপোনাৰ বৃক্ক সুস্থ থাকিলে, শৰীৰো সুস্থ থাকিব।গতিকে সময়ে সময়ে ৰক্তচাপ, চুগাৰ আৰু বৃক্ক সম্পৰ্কীয় পৰীক্ষা কৰি থাকিব। যদি পৰিয়ালৰ কোনো সদস্যৰ উচ্চ ৰক্তচাপ, ডায়েবেটিছ বা বৃক্কৰ সমস্যা আছে, তেন্তে বিশেষভাৱে সাৱধান হওক। পৰ্যাপ্ত পৰিমাণৰ পানী খোৱাৰ লগতে সুষম খাদ্য গ্ৰহণ, ধূমপান আৰু মদ্যপান পৰিহাৰ কৰা উচিত। কোনো লক্ষণক আওকাণ নকৰি লগে লগে চিকিৎসকৰ পৰামৰ্শ ল’ব লাগে যাতে সময় থাকোতেই সু-চিকিৎসা লাভ কৰিব পাৰে।