মিজোৰামত দেওবাৰে পুৱাই পুনৰ ভূমিকম্পৰ জোকাৰণি
উত্তৰ পূৰ্বাঞ্চলৰ ৰাজ্য সমূহক সঘনাই জোকাৰি গৈছে সৰু-বৰ ভূমিকম্পই।
দেওবাৰে পুৱা মিজোৰামক জোকাৰি যায় এক ভূমিকম্পই। পুৱা ৭.২৮ বজাত অনুভূত ভূমিকম্পটোৰ প্ৰাৱল্য আছিল ৰিখটাৰ স্কেলত ৪.৬।
ভূমিকম্পটোৰ ফলত কোনো স্থানৰ পৰা কোনো ক্ষয়-ক্ষতিৰ বাতৰি এতিয়ালৈকে পোৱা হোৱা নাই।
মিজোৰামত প্ৰায়ে ভূমিকম্প হৈ থকাৰ কথাই চিন্তিত কৰি তুলিছে ৰাজ্য খনৰ বাসিন্দাসকলক।
Earthquake of Magnitude:4.6, Occurred on 20-09-2020, 07:29:06 IST, Lat: 23.00 & Long: 93.65, Depth: 45 Km ,Location: 60km SSE of Champhai, Mizoram, Indiafor more information https://t.co/BKeGiPdn6t @ndmaindia pic.twitter.com/0AadNCqzYS
— National Center for Seismology (@NCS_Earthquake) September 20, 2020
নেছনেল চেণ্টোৰ ফ’ৰ ছিচম’ল’জিয়ে প্ৰকাশ কৰা তথ্য অনুসৰি আজি হোৱা ভূমিকম্পটোৰ উৎপত্তিস্থল আছিল চাম্ফাইৰ ভূ-গৰ্ভৰ ৪৫ কিলোমিটাৰ অভ্যন্তৰত।
ইপিনে এক মৃদু ভূমিকম্পৰ জোকাৰণি শনিবাৰে সন্ধিয়া নামনি অসমত অনুভূত হয়।
শনিবাৰে সন্ধিয়া ৮ বাজি ১৮ মিনিট ৩৮ ছেকেণ্ডত অনুভূত হোৱা ভূমিকম্পটোত কোনো ক্ষয়ক্ষতিৰ বাতৰি পোৱা হোৱা নাই।
ৰিখটাৰ স্কেলত ৩.৮ প্ৰাবল্যৰ ভূমিকম্পটোৰ অভিকেন্দ্ৰ আছিল বঙাইগাওঁ।
ভূমিকম্পটোৰ উৎপত্তিস্থল আছিল ভূপৃষ্ঠৰ ১০ কি. মি. গভীৰতাত, অক্ষাংশ ২৬.২৪ উত্তৰ আৰু দ্ৰাঘিমাংশ ৯০.৫১ পূবে।