লোকসভা নিৰ্বাচনৰ সময়তে বলীউডত ডাঙৰ ঘটনা সংঘটিত হৈছে। ৰাজনৈতিক নেতা নহয়, বলবৎকাৰী সঞ্চালকালয় বা ইডিয়ে অবৈধ বিত্তীয় লেনদেনৰ অভিযোগত প্ৰায় ১০০ কোটি মূল্যৰ ৰিপু চুডান কুন্দ্ৰা ওৰফে ৰাজ কুন্দ্ৰাৰ সম্পত্তি জব্দ কৰিছে।
বৃহস্পতিবাৰে পুৱাই এটা টুইটযোগে ইডিয়ে জনোৱা মতে, মুঠ ৯৭.৭৯ কোটি মূল্যৰ স্থাৱৰ আৰু স্থাৱৰ সম্পত্তি জব্দ কৰা হৈছে। ইয়াৰ ভিতৰত আছে জুহুৰ এটা আৱাসিক ফ্লেট। সেই ফ্লেটটো শিল্পা শ্বেট্টীৰ নামত আছে। ইয়াৰ উপৰিও ইডিয়ে পুনেত ৰাজ কুন্দ্ৰৰ নামত এটা বাংলো জব্দ কৰিছে।
লগতে পঢ়কঃ আৰু লাগে! বিলাসী গাড়ী, ডুবাই-লণ্ডনত ঘৰ, ১৪০০ কোটি টকাৰ সম্পত্তিৰ মালিক এইগৰাকী বিজেপি প্ৰাৰ্থী
ৰাজ কুন্দ্ৰা আৰু শিল্পা শ্বেট্টীৰ সম্পত্তি জব্দ কৰা এই গোচৰটো অতি জটিল। শেহতীয়াকৈ মুম্বাই আৰু দিল্লী আৰক্ষীয়ে ভেৰিয়েবল টেক নামৰ এটা কোম্পানী আৰু ইয়াৰ প্ৰমোটাৰ অমিত ভৰদ্বাজ, অজয় ভৰদ্বাজ, চিম্পী ভৰদ্বাজৰ বিৰুদ্ধে জালিয়াতি আৰু প্ৰতাৰণা গোচৰ ৰুজু কৰিছে। তেওঁলোকে বিটকইন ট্ৰেডিঙত প্ৰায় ৬৬০০ কোটি টকা সংগ্ৰহ কৰিছিল। লগতে জমাকাৰীসকলক প্ৰতিমাহে ১০ শতাংশ সুত দিব বুলি কোৱা হৈছিল। কিন্তু বহু মানুহৰ পৰা টকা লৈ তেওঁলোক অন্তৰ্ধান হৈ পৰিছে। অৱশ্যে অপৰাধৰ ধন ইণ্টাৰনেট ৱালেটত ৰখা হৈছে।
অভিযোগ অনুসৰি, এই অমিত ভৰদ্বাজৰ পৰা ৰাজ কুন্দ্ৰই ২৮৫ টা বিটকইন লৈছিল। কুণ্ড্ৰাই ইউক্ৰেইনত বিটকইন ফাৰ্ম খোলাৰ বাবে এই ধন লৈছিল। ইডিৰ দাবী এই ২৮৫টা বিটকইনৰ মূল্য ১৫০ কোটি টকা।
লগতে পঢ়কঃকোহলীয়েই মোৰ জীৱনৰ বিৰাট প্ৰেৰণা; জনালে অসামৰিক সেৱাৰ শীৰ্ষস্থানপ্ৰাপ্ত অনন্যাই
ইয়াৰ পূৰ্বে ২০২১ চনত ৰাজ কুন্দ্ৰাৰ বিৰুদ্ধে বৃহৎ অভিযোগ উত্থাপন হৈছিল। মুম্বাইৰ শিল্প-বাণিজ্য মহল আৰু পেজ থ্ৰী সমাজৰ এক চিনাকি মুখ ৰাজ কুন্দ্ৰা। তেওঁৰ বিৰুদ্ধে অশ্লীল ছবি নিৰ্মাণৰ অভিযোগ উঠিছিল। সেই গোচৰত ৰাজ কুন্দ্ৰক গ্ৰেপ্তাৰো কৰা হৈছিল। কিন্তু পিছত জামিনত মুকলি কৰি দিয়া হয়। অৱশ্যে এতিয়াও গোচৰৰ নিষ্পত্তি হোৱা নাই।
ED, Mumbai has provisionally attached immovable and movable properties worth Rs. 97.79 Crore belonging to Ripu Sudan Kundra aka Raj Kundra under the provisions of PMLA, 2002. The attached properties include Residential flat situated in Juhu presently in the name of Smt. Shilpa…
— ED (@dir_ed) April 18, 2024
ইডিৰ সূত্ৰ অনুসৰি কুণ্ড্ৰাই সেই ধনেৰে ইউক্ৰেইনত বিটকইন ব্যৱসায় গঢ়ি তুলিব পৰা নাছিল। হয়তো ৰাছিয়া-ইউক্ৰেইন যুদ্ধৰ বাবেই তাৰ প্ৰভাৱ পৰিছে। কিন্তু তেওঁৰ হাতত এতিয়াও সেই ১৫০ কোটি টকা আছে। যিটো মানুহক প্ৰতাৰণা কৰা ধন। সেইবাবেই জব্দ কৰা হৈছে তেওঁলোকৰ সম্পত্তি।
