বৃহস্পতিবাৰে শিক্ষামন্ত্ৰী ডাঃ ৰণোজ পেগুৰ সৈতে আছু, অসম জাতীয়তাবাদী যুৱ ছাত্ৰ পৰিষদ আৰু নিখিল বড়ো ছাত্ৰ সন্থাৰ এক গুৰুত্বপূৰ্ণ বৈঠক অনুষ্ঠিত হয়।
বৈঠকত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক শিক্ষান্ত পৰীক্ষাৰ সন্দৰ্ভত আলোচনা কৰা হয়।
আজিৰ বৈঠকত পূৰ্বৰ অধিসূচনাৰ ৫ নং দফা প্ৰত্যাহাৰ কৰাৰ সিদ্ধান্ত লোৱা হৈছে। ইয়াৰ ফলত পূৰ্বতে কোৱাৰ দৰে ছেপ্টেম্বৰ মাহত আৰু কোনো পৰীক্ষা অনুষ্ঠিত নহয়।
সেইদৰে একেখন মাৰ্কশ্বীট সকলো চাকৰিৰ ক্ষেত্ৰতে প্ৰযোজ্য হ’ব যদিও শিক্ষক হোৱাৰ ক্ষেত্ৰত কিছু ব্যতিক্ৰম থাকিব।
শিক্ষামন্ত্ৰী ৰণোজ পেগুৱে কয় যে চৰকাৰে প্ৰয়োজন সাপেক্ষে এটা বিশেষ পৰীক্ষা অনুষ্ঠিত কৰিব। চৰকাৰে ভৱিষ্যতে বিদ্যালয়, মহাবিদ্যালয়ৰ শিক্ষক হোৱাৰ ক্ষেত্ৰত পৰীক্ষাৰ ব্যৱস্থা কৰিব।
ক’ভিড পৰিস্থিতিৰ বাবে শিক্ষাৰ্থীসকল যিহেতু দোষী নহয় গতিকে চৰকাৰে পূৰ্বে জাৰি কৰা জাননীৰ ৫নং দফা প্ৰত্যাহাৰ কৰা হৈছে।
চৰকাৰে আছুৰ দাবী মানি লৈছে। আছুৱে দাবী কৰা অনুসৰি পৰীক্ষাৰ ফলাফলত ষ্টাৰ-ডিষ্টিংছনৰ ব্যৱস্থা থাকিব।
