আৰু আঠগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে, বুধবাৰলৈকে মুঠ মৃতকৰ সংখ্যা ৩২৩লৈ বৃদ্ধি পাইছে।
শেহতীয়াকৈ মৃত্যু হোৱা লোককেইগৰাকী হৈছে— ডিব্ৰুগড়ৰ শকুন্তলা সেন (৬৩), কাজল দত্ত (৬৬), ৱাহিদা ৰহমান (৬০), কৰিমগঞ্জৰ মাধবী ভট্টাচাৰ্যি (৭৫), জমিৰ উদ্দিন (৬০), কামৰূপ মহানগৰৰ প্ৰভাত চন্দ্ৰ বৰা (৮২), বুলু দেৱী (৬৯) আৰু দৰঙৰ প্ৰফুল্ল চহৰীয়া (৭২)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
মঙলবাৰলৈকে অসমত ৩১৫গৰাকী ক’ভিড ৰোগীয়ে প্ৰাণ হেৰুৱাইছিল।
বিপৰীতে ৮৬,৮৯২গৰাকী ব্যক্তিয়ে অসমত মঙলবাৰলৈকে ক’ভিডৰ পৰা আৰোগ্য হৈ চিকিৎসালয় এৰিছে।
Demise of 8 Covid patients~ Late Shakuntala Sen (63), Late Kajal Dutta (66), Late Wahida Rahman (60), D’garh; Late Madhabi Bhattacharjee (75), Late Jamir Uddin (60), K’ganj; Late Prabhat Chandra Bora (82), Late Bulu Devi (69), Kamrup M; Late Prafulla Sagariya (72), Darrang ?
— Himanta Biswa Sarma (@himantabiswa) September 2, 2020
অসমত মঙলবাৰে সক্ৰিয় ৰোগীৰ সংখ্যা আছিল ২৪,৫১৪ (।)
মঙলবাৰলৈকে অসমত চিনাক্ত মুঠ ক’ভিড পজিটিভ ব্যক্তিৰ সংখ্যা ১,১১,৭২৪ (।)
ইয়াৰে তিনিগৰাকী আন ঠাইলৈ স্থানান্তৰিত হৈছে।
