বলিউডৰ ‘চিৰিয়েল কিছাৰ’ ইমৰান হাছমীয়ে ‘অন স্ক্ৰীণ’ত খোলা-মেলা দৃশ্যত অংশ ল’লেও সাধাৰণতে তেওঁৰ ব্যক্তিগত জীৱন ‘পাপ্পাৰাজী’ তথা লোকচক্ষুৰ পৰা আঁতৰত থকা দেখা যায়।
ইমৰান হাছমীৰ এঘাৰ বছৰীয়া পুত্ৰ আয়ান কিন্তু দেউতাকতকৈ বিপৰীত।
২০১৪ চনত পুত্ৰ আয়ান তিনি বছৰ বয়সতে কিডনী কেঞ্চাৰত আক্ৰান্ত হৈছিল, প্ৰায় ৫ বছৰৰ মূৰত ২০১৯ চনত আয়ানে কেঞ্চাৰৰ পৰা আৰোগ্য লাভ কৰিছিল।
সংবাদ মাধ্যমত ইমৰানে এই বাৰ্তা দিয়া নাছিল।
কিন্তু শেহতীয়াকৈ অভিনেতাজনে এটা সাক্ষাৎকাৰত জনায় যে আয়ানে ‘পাপ্পাৰাজী’ ভাল পায়।
”সি পাপ্পাৰাজি ভাল পায়! যেতিয়াই বাহিৰ উলাও আৰু ফটোগ্ৰাফাৰে ফটো মাৰিব বিচাৰে, সি ফটোত উঠিব বিচাৰে।”- ইমৰানে পুত্ৰৰ কথা এইদৰে কয়।
আনহাতে, অভিনেতাজনে কয় যে বৰ্তমান সামাজিক মাধ্যমৰ যুগত শিশুসকলেও সামাজিক মাধ্যমত সক্ৰিয় হৈ পৰা দেখা গৈছে, কিন্তু তেওঁ পুত্ৰক ইয়াৰ পৰা এইকাৰণেই আঁতৰাই ৰাখিছে যে তেওঁ অনুভৱ কৰে যে শিশুসকলে সামাজিক মাধ্যমৰ অৰ্থ আৰু প্ৰয়োগ বুজি নাপায়।
পুত্ৰই অভিনয় জগতত ভৰি থবনে নাই, সেই বিষয়ে অভিনেতাজনে কয় যে সেইয়া পুত্ৰৰ ওপৰত নিৰ্ভৰ কৰিব।
”মই তাক কেতিয়াও অভিনয় কৰিবলৈ জোৰ নকৰো, সেয়া তাৰ সিদ্ধান্ত যে কৰিবনে নকৰে।”- ইমৰানে কয়।
ইমৰানে অভিনয় কৰা ‘মুম্বাই চাগা’ নামৰ চিনেমাখন শেহতীয়াকৈ মুক্তি লাভ কৰিছে।
প্ৰথম বাৰৰ বাবে ইমৰানে আৰক্ষী বিষয়াৰ চৰিত্ৰত অৱতীৰ্ণ হোৱা চিনেমাখনত জন আব্ৰাহামেও অভিনয় কৰিছে।
