অসম আৰক্ষী আৰু বিএছএফৰ যৌথ অভিযানত, ভাৰত-বাংলা সীমান্তৰ সমীপত ৩ কোটি টকাৰ ড্ৰাগছ জব্দ
ভাৰত-বাংলাদেশ সীমান্তৰ সমীপত বিএছএফ আৰু কাছাৰ আৰক্ষীৰ যৌথ অভিযানত প্ৰায় ৩ কোটি মূল্যৰ ১০ হাজাৰ YABA টেবলেট জব্দ কৰাৰ তথ্য প্ৰকাশ কৰিছে বিষয়াসকলে।
কাছাৰ আৰক্ষী আৰু সীমান্ত বি এছ এফে চলোৱা এই অভিযানত আন্তঃৰাষ্ট্ৰীয় সীমান্তৰ কাটিগোৰাৰ লেভাৰপুটাত চলি থকা নিচাযুক্ত দ্ৰব্যৰ এক চক্ৰ সম্পূৰ্ণ ৰূপে উৎখাত কৰে ।
উল্লেখ্য যে অসমত চলি থকা ড্ৰাগছ বিৰোধী অভিযানৰ আন এক মাইলৰ খুঁটি হিচাপে পৰিগণিত হৈছে এই সফল অভিযান।
ভাৰত-বাংলাদেশ সীমান্তত সৰ্বাধিক মেথামফেটামাইন আৰু কেফেইনযুক্ত YABA টেবলেটৰ ব্যৱহাৰে সমগ্ৰ উত্তৰ-পূব ভাৰতত জনস্বাস্থ্যৰ বাবে উদ্বেগ সৃষ্টি কৰিছে।
উল্লেখ্য যে অঞ্চলটোত বৃহৎ সৰবৰাহ চক্ৰৰ সৈতে জড়িত সম্ভাৱ্য সংযোগৰ বাবে তদন্ত অব্যাহত ৰাখিছে কৰ্তৃপক্ষই।