শিৱসাগৰৰ কোঁৱৰপুৰত পুঁৱতি নিশা সংঘটিত হৈছে এক নৃশংস হত্যাকাণ্ড ৷
অৱৈধ সুৰাৰ বাবেই পিতৃৰ হাতত পুত্ৰই হেৰুৱালে প্ৰাণ ৷
কোঁৱৰপুৰৰ টেপৰতল গোঁহাই গাঁৱত সংঘটিত হৈছে এই নৃশংস হত্যাকাণ্ড ৷
পিতৃ ৰমেন বৰুৱাই শোৱাপাটীতে ঘপিয়াই হত্যা কৰিলে পুত্ৰ দিপু বৰুৱাক ৷
থিতাতে নিহত হয় পুত্ৰ দিপু বৰুৱা ৷
পুঁৱতি নিশা ৪ মান বজাত সংঘটিত হয় এই হত্যাকাণ্ড ৷
দিপুৱে সুৰা সেৱন কৰি দীৰ্ঘ সময় পৰিয়ালটোক অশান্তি কৰাৰ অভিযোগ ৷
যোৱা নিশাও অৱৈধ সুৰাৰ ঘাটীৰ পৰা সুৰা সেৱন কৰি ওলাই অহা দিপু বৰুৱাই সৃষ্টি কৰিছিল অশান্তিকৰ পৰিস্থিতিৰ ৷
পৰিণতিত পুঁৱতি নিশা শুই থকা অৱস্থাত খুকুৰীৰে ডিঙিত ঘপিয়াই হত্যা কৰে পিতৃয়ে ৷
নিহত দিপু মহ পালক আছিল ৷
অত্যাচাৰী পুত্ৰক হত্যা কৰিও অনুতপ্ত নহয় পিতৃ ৰমেন বৰুৱা ৷
হত্যাকাণ্ডৰ কথা অকপটে স্বীকাৰ কৰে হত্যাকাৰী পিতৃয়ে৷
