শনিবাৰে নিশা পঞ্জাৱৰ অমৃতসৰৰ গল্ডেন টেম্পলৰ সমীপৰ হেৰিটেজ ষ্ট্ৰীটত এক ভয়ানক বিস্ফোৰণ সংঘটিত হয়। এই ঘটনাই ভক্ত আৰু স্থানীয় ৰাইজক আতংকিত কৰি তুলিছে।
খবৰ অনুসৰি এই বিস্ফোৰণত কমেও পাঁচৰ পৰা ছয়জন লোক আহত হৈছে। অনুমান কৰা হৈছে কোনো সন্ত্ৰাসবাদী সংগঠনে এই বিস্ফোৰণ ঘটাইছে।
আনহাতে, আৰক্ষীয়ে জনোৱা মতে, এয়া সন্ত্ৰাসবাদীৰ কাম নহয়। কিবা দুৰ্ঘটনাৰ বাবে এই বিস্ফোৰণ হ’ব পাৰে।
উল্লেখ্য যে বিস্ফোৰণটোৰ পিছত ফৰেনছিক দল এটা সেই স্থানত উপস্থিত হৈ এখন খিৰিকীৰ ওচৰত কিছু গুড়ি পদাৰ্থ উদ্ধাৰ কৰে।
অমৃতসৰৰ আৰক্ষী আয়ুক্ত নৌনিহাল সিঙে কয় যে বিস্ফোৰণৰ আঁৰত কোন আছে সেই সন্দৰ্ভত কোনো ধৰণৰ তথ্য লাভ কৰা নাই।
লগতে পঢ়কঃ আমেৰিকাৰ ৰাষ্ট্ৰপতি জো বাইডেনৰ উপদেষ্টা পদত ভাৰতীয় মূলৰ নীৰা টেণ্ডন
আৰক্ষী আয়ুক্তগৰাকীয়ে নিজৰ অফিচিয়েল টুইটাৰত কয়, ‘অমৃতসৰত বিস্ফোৰণৰ সৈতে জড়িত এটা খবৰ ছ’চিয়েল মিডিয়াত ভাইৰেল হৈছে। বৰ্তমান পৰিস্থিতি নিয়ন্ত্ৰণত আছে। ঘটনাৰ তথ্য প্ৰতিষ্ঠা কৰিবলৈ তদন্ত অব্যাহত আছে আৰু আতংকিত হোৱাৰ প্ৰয়োজন নাই। নাগৰিকসকলক শান্তি আৰু সম্প্ৰীতি বজাই ৰাখিবলৈ আহ্বান জনাইছোঁ।”
উল্লেখ্য যে যোৱা মাহত এগৰাকী মহিলাৰ মুখত ৰাষ্ট্ৰীয় পতাকাৰ টাটু থকাৰ বাবে গল্ডেন টেম্পলত প্ৰৱেশ কৰিবলৈ নিদিয়াৰ বাবে এক ডাঙৰ বিতৰ্কৰ সৃষ্টি হৈছিল।
লগতে পঢ়কঃ যুদ্ধৰ খবৰ: ৰাছিয়াৰ গোলাবৰ্ষণত ইউক্ৰেইনৰ ৬ বিস্ফোৰক বিশেষজ্ঞ নিহত
