চামগুৰি উন্নয়ন খণ্ডৰ কাৰ্যালয়ত নিবিদা দিয়াক কেন্দ্ৰ কৰি উত্তপ্ত পৰিস্থিতিৰ সৃষ্টি হৈছে।
বিজেপি আৰু কংগ্ৰেছ দলৰ দলীয় কৰ্মী সমৰ্থকৰ মাজত প্ৰচণ্ড মাৰপিটৰ ঘটনাত বহু কেইজন লোক আহত হোৱাৰ খবৰ পোৱা গৈছে।
উন্নয়ন খণ্ডটোৰ অন্তৰ্গত বিল, সাপ্তাহিক বজাৰ সমূহৰ বাবে আজি আছিল নিবিদা দিয়াৰ দিন।
পুৱাৰে পৰা বাজিয়া গাঁও ব্লকৰ বিজেপিৰ সভাপতি প্ৰাণজিৎ বৰাৰ নেতৃত্বত বিজেপিৰ সমৰ্থক নিবিদাকাৰীসকলে শান্তিপূৰ্ণ ভাৱে নিবিদা দিয়ে যদিও কংগ্ৰেছ দলৰ সমৰ্থকে নিবিদা দিবলৈ আহোতেই সৃষ্টি হয় উত্তপ্ত পৰিস্থিতিৰ।
কংগ্ৰেছৰ বাহন ক্ষতি কৰাৰ লগতে কংগ্ৰেছৰ সৰ্মথককো লপা-থপা দিয়ে বিজেপি সমৰ্থকে।
কলিয়াবৰৰ মহকুমা আৰক্ষী বিষয়া মৃন্ময় দাস আৰু চামগুৰি আৰক্ষী থানাৰ ভাৰপ্ৰাপ্ত বিষয়া কৃষ্ণ কান্ত দলেৰ নেতৃত্বত আৰক্ষী-প্ৰশাসনে নিয়ন্ত্ৰণ কৰে পৰিস্থিতি।
ৰাইজৰ বিপুল দাবীৰ প্ৰতি সঁহাৰি জনাই অৱশেষত অহা ২৩ জুনত চামগুৰি ৰাজহ চক্ৰৰ কাৰ্য্যালয়ত পুৱাৰে পৰা নিবিদা জমা দিয়াৰ সিদ্ধান্ত গ্ৰহণ কৰে৷
