২০১১ চনত মুক্তি পোৱা ষ্টিভেন চোদাৰবাৰ্গ পৰিচালিত ‘কণ্টাজিয়ন’ নামৰ চলচ্চিত্ৰখনে ২০১১ চনতে কৰ’না ভাইৰাছৰ দৰে মৰাত্মক ভাইৰাছৰ আগজাননী দিছিল।
সমগ্ৰ বিশ্বত কৰ’না ভাইৰাছে বৰ্তমান সময়ত আতংকৰ সৃষ্টি কৰিছে। প্ৰায় পাঁচ সহস্ৰাধিক লোকৰ প্ৰাণ হানি হৈছে চীন, ইটালী, ফ্ৰাঞ্চ, ভাৰতকে ধৰি পৃথিৱীৰ বহু কেইখন দেশত।
উল্লেখযোগ্য যে, ২০১১ চনত মুক্তিপ্ৰাপ্ত ‘কণ্টাজিয়ন’ নামৰ চলচ্চিত্ৰখনত এমইভি-১ নামৰ এবিধ ভাইৰাছৰ বিষয়ে উল্লেখ কৰা হৈছিল।
এমইভি-১ নামৰ ভাইৰাছ বিধ মানুহৰ পৰা মানুহৰ শৰীৰলৈ বিয়পিছিল আৰু ইয়াত আক্ৰান্ত লোক সকলৰ শৰীৰত কাঁহ আদিৰ দৰে লক্ষণে দেখা দিছিল।
‘কণ্টাজিয়ন’ চলচ্চিত্ৰখনত এমইভি-১ ভাইৰাছৰ সংক্ৰমণৰ ফলত সমগ্ৰ বিশ্বত প্ৰায় ২৬ মিলিয়ন লোকৰ মৃত্যু হোৱা দেখুওৱা হৈছিল।
তাৰোপৰি, চলচ্চিত্ৰখনত বিশ্বত ত্ৰাস সৃষ্টিকাৰী এমইভি-১ নামৰ ভাইৰাছ বিধৰ উৎপত্তিস্থলো এছিয়া হিচাপে দেখুওৱা হৈছিল।
সমগ্ৰ বিশ্বত কৰ’না ভাইৰাছে আতংকৰ সৃষ্টি কৰাৰ সময়ত অনলাইনত সৰ্বাধিক জনপ্ৰিয় চলচ্চিত্ৰ হিচাপে পৰিগণিত হৈছে ষ্টিভেন চোদাৰবাৰ্গ পৰিচালিত ‘কণ্টাজিয়ন’।
