পত্নীক গাড়ীৰে চেপি হত্যাৰ চেষ্টা : গ্ৰেপ্তাৰ বলিউডৰ প্ৰযোজক
নিজৰ পত্নীক গাড়ীৰে চেপি হত্যা কৰিবলৈ চেষ্টা কৰাৰ অভিযোগত যোৱা বৃহস্পতি বাৰে নিশা মুম্বাইৰ পৰা গ্ৰেপ্তাৰ কৰা হৈছে বলিউডৰ প্ৰযোজক কিশোৰ মিশ্ৰক।
অভিযোগ অনুসৰি যোৱা ১৯ অক্টোবৰৰ দিনা প্ৰযোজক কিশোৰ মিশ্ৰৰ পত্নী য়াছমিনে তেওঁক এখন গাড়ীৰ ভিতৰত এগৰাকী মডেলৰ লগত হাতে লোটে ধৰা পেলায়।
যোৱা ফ্ৰেব্ৰুৱাৰী মাহৰ পৰা সেইগৰাকী মডেলৰ লগত কিশোৰৰ আছিল অবৈধ সম্পৰ্ক। এই অবৈধ সম্পৰ্কৰ বাবে প্ৰায়েই বিভিন্ন সমস্যাৰ সূত্ৰপাত হৈছিল কিশোৰ-য়াছমিনৰ সংসাৰত। বৃ্হস্পতি বাৰে নিশা পত্নীৰ ওচৰত হাতে লোটে ধৰা পৰা মিশ্ৰই লগে লগে পত্নীৰ ওপৰেদি চলাব বিচাৰিছিল গাড়ীখন।
স্বামীৰ এই ব্যভিচাৰ আৰু অত্যাচাৰৰ বিৰুদ্ধে অম্বলী আৰক্ষী থানাত এটি গোচৰ ৰুজো কৰে কিশোৰৰ পত্নীয়ে। পত্নীৰ গোচৰৰ ভিত্তিত আৰক্ষীয়ে তদন্ত আৰম্ভ কৰে।
আৰক্ষীয়ে উদ্ধাৰ কৰা চিচি টিভি ফুটেজৰ পৰা য়াছমিনৰ এই অভিযোগ সঁচা প্ৰমাণিত হয় আৰু কিশোৰক গ্ৰেপ্তাৰ কৰে আৰক্ষীয়ে।