বৰপেটা আৰক্ষীয়ে আজি আন্তঃৰাজ্যিক চোৰৰ চক্ৰৰ বিৰুদ্ধে অভিযান চলাই বৃহৎ সফলতা অৰ্জন কৰিবলৈ সক্ষম হয় ৷ বিশেষ সূত্ৰৰ পৰা লাভ কৰা তথ্যৰ ভিত্তিত আৰক্ষীয়ে ৰাজ্যৰ বিভিন্ন জিলাৰ বিদ্যালয়সমূহৰ কম্পিউটাৰ চুৰিৰ সৈতে জড়িত আন্তঃৰাজ্যিক চোৰৰ চক্ৰ এটাক উৎখাত কৰিবলৈ সক্ষম হয়।
বৰপেটা আৰক্ষীৰ উপ-আৰক্ষী অধীক্ষক সমীৰণ বৈশ্যৰ নেতৃত্বত কালি নিশা কেবাঠাইতো অভিযান চলাই গ্ৰেপ্তাৰ কৰে আন্তঃৰাজ্যিক চোৰৰ চক্ৰটোক। আৰক্ষীয়ে অভিযানকালত চোৰকেইটাৰ পৰা উদ্ধাৰ কৰে ৯ টা কম্পিউটাৰ।
আনহাতে, চোৰকেইটাৰ পৰা এ এচ-১৬এ-৭১৪১ নম্বৰৰ এখন ব’লেৰো গাড়ীও জব্দ কৰা হয়৷আৰক্ষীৰ হাতত গ্ৰেপ্তাৰ হোৱা চোৰ কেইটা ক্ৰমে বৰপেটা জিলাৰ কলগাছিয়াৰ দিলদাৰ ৰেজ্জা আৰু হালিমউদ্দিন, ধুবুৰীৰ ইৰাণ জংলা, হানিফ আলী, চিৰাজ আলী আৰু চিৰাং জিলাৰ মহিদুল ইছলাম৷
চোৰৰ চক্ৰটোৰ লগত জড়িত আন দুজন সদস্য বৰ্তমানে পলাতক হৈ থকা বুলি জানিবলৈ দিছে বৰপেটাৰ উপ আৰক্ষী অধীক্ষক সমীৰণ বৈশ্যই৷
