এইবাৰ দেশত গাড়ী নহয় নিৰ্মাণ হ’ব ফ্লাইং কাৰ; ডাচ্চ কোম্পানীৰ সৈতে চুক্তি সম্পন্ন

এইবাৰ দেশত নিৰ্মাণ কৰা হ’ব উৰণীয়া গাড়ী।

ইতিমধ্যে বুজাবুজি চুক্তি সম্পন্ন হৈছে।

নেডাৰলেণ্ডৰ ফ্লাইং কাৰ নিৰ্মাতা কোম্পানী PAL-Vএ ফ্লায়িং কাৰ নিৰ্মাণ কৰিব ভাৰতত।

নেডাৰলেণ্ডৰ ফ্লাইং কাৰ নিৰ্মাতা কোম্পানী PAL-Vৰে সৈতে ইতিমধ্যে এই সংক্ৰান্তীয় বুজাবুজি চুক্তিত স্বাক্ষৰ কৰিছে গুজৰাট চৰকাৰে।

গুজৰাটৰ মুখ্যমন্ত্ৰী বিজয় ৰূপানী আৰু ৰাজ্যিক উদ্যোগিক সচিব এম কে দাসৰ সৈতে PAL-Vৰ ভাইচ প্ৰেচিডেন্ট কাৰ্ল’ মাছবুম্মেলে বুজাবুজি চুক্তিত স্বাক্ষৰ কৰিছে।

গুজৰাট চৰকাৰে ঘোষণা কৰিছে যে ডাচ্চ ফ্লাইং কাৰ নিৰ্মাণ কোম্পানীটোক উদ্যোগ প্ৰতিষ্ঠাৰ বাবে সকলোধৰণৰ সহায় আগবঢ়াব।

ডাচ্চ প্ৰতিষ্ঠানটোৰ মাছবুম্মেলে কয় যে ভাৰতত বিশ্বমানৰ ফ্লাইং কাৰ নিৰ্মাণ কৰা হ’ব।

নিৰ্মাণ প্ৰতিষ্ঠানটোৱে ২০২১ চনৰ পৰা ব্যৱসায়িক উৎপাদন আৰম্ভ কৰাৰ লক্ষ্য স্থিৰ কৰি লৈছে।

গুজৰাটৰ নিৰ্মাণৰ কাৰখানাৰ পৰাই ইউৰোপৰ লগতে আমেৰিকা আদিলৈ ফ্লাইং কাৰ ৰপ্তানি কৰাৰ লক্ষ্য বান্ধি লৈছে নিৰ্মাণ প্ৰতিষ্ঠানটোৱে।