মাত্ৰ ৯ বছৰ বয়সতে ইউটিউবৰ জৰিয়তে কোটিপতি এইটি শিশু , আয়ৰ পৰিমাণ জানিলে আচৰিত হ’ব আপুনিও
এটি ৯ বছৰীয়া শিশু।
জীৱনৰ পখিলা খেদা বয়সতে এই শিশুটি হৈ পৰিছে কোটিপতি।
তাকো এক কোটি বা দুই কোটি টকাৰ গৰাকী নহয় তেওঁ।ভাৰতীয় মুদ্ৰাৰ হিচাবত ২২১ কোটি টকাৰ গৰাকী হৈ পৰা এই ৯ বছৰীয়া শিশুটিৰ নাম ৰায়ান কাজি।
টেক্সাছৰ বাসিন্দা ৰায়ান কাজি নামৰ এই শিশুটিয়ে ২০১৫ চনত চাৰি বছৰ বয়সৰ পৰাই ইউটিউবত ভিডিঅ’ আপলোড কৰিবলৈ আৰম্ভ কৰিছিল।
সেয়াই আৰম্ভনি। তাৰপিছত ৰায়ানৰ ভিডিঅ’ৰ ভিউৱাৰ্ছৰ সংখ্যা দ্ৰুত গতিত বাঢ়িবলৈ আৰম্ভ কৰে।
শিশুটিয়ে আৰম্ভ কৰা তেওঁৰ প্ৰথম ইউটিউব চেনেলটোৰ নাম আছিল ‘ৰায়ান টয়ছ ৰিভিউ’।
এই চেনেলত ৰায়ানে শিশুসকলৰ উপযোগী বিভিন্ন পুতলা প্ৰদৰ্শন কৰিছিল। কিছুমান পুতলা নিজেও সাজি দেখুৱাইছিল।পুতলা বোৰৰ ইতিহাস, সেইবোৰৰ বৈশিষ্ট্য আদি শিশু ৰায়ানে অতি মনোগ্ৰাহী ভাবে উপস্থাপন কৰিছিল।
এবাৰ এখন মুভী কাৰৰ ৰিভিউ কৰাৰ পিছৰে পৰা ৰায়ান বিশ্বত অধিক জনপ্ৰিয় হৈ পৰে।
ফলত বৃদ্ধি পায় ৰায়ানৰ ভিউৱাৰ্ছৰ সংখ্যা। লগতে বাঢ়ি যায় তেওঁৰ আয়ো। সম্প্ৰতি ৰায়ানে ইউটিউবত ৯ টা চেনেল চলাই আছে।
প্ৰতিটোতে ভিউৱাৰ্ছৰ সংখ্যা ঈৰ্ষণীয় ভাবে বৃদ্ধি পাই গৈ আছে।
বিশ্ব বিখ্যাত আলোচনী ফোৰ্বছে প্ৰকাশ কৰা তথ্য অনুসৰি ৰায়ানে ইউটিউবৰ জৰিয়তে লাভ কৰা ধনৰ পৰিমাণ হৈছে তিনি কোটি মাৰ্কিন ডলাৰ।
ভাৰতীয় মুদ্ৰাৰ হিচাবত এই ধনৰ পৰিমাণ প্ৰায় ২২১ কোটি টকা।নিকোলওডিয়ন টিভি চেনেলত ৰায়ানৰ এটা নিজস্ব শ্ব’ও চলি আছে।