পানী গুলপীয়া কৰি আকৌ হাত দাঙিলে এজনে। কোন এইজন ঘোচখোৰ বিষয়া?

সতৰ্কতা আৰু দুৰ্নীতি নিবাৰক সঞ্চালকালয়ৰ চোৰাংচোৱাই দুৰ্নীতিৰ বিৰুদ্ধে অভিযান চলাই মঙলবাৰে নগাঁও জিলাত এজন বন বিষয়াক গ্ৰেপ্তাৰ কৰে।

নগাঁও সংমণ্ডলৰ ছালোনাস্থিত বন ৰেঞ্জ বিষয়াৰ কাৰ্যালয়ত সহকাৰী বন সংৰক্ষক নেপাল চন্দ্ৰ মণ্ডল নামৰ বন বিষয়াগৰাকীক উৎকোচ লোৱাৰ অভিযোগত গ্ৰেপ্তাৰ কৰে ভিজিলেন্সে।

অভিযোগকাৰীৰ পৰা টিপি (চালান) জাৰি কৰাৰ বাবে দাবী কৰা উৎকোচ গ্ৰহণ কৰাৰ পিছতে তেওঁ ধৰা পৰে।

Today @DIR_VAC_ASSAM trapped red handed Nepal Ch Mandal, Asst. Conservator of Forest(ACF), I/C Range Officer, Northern Range,Salona, Nagaon Division in his office after he accepted bribe from the complainant for issuing TP (challan). @CMOfficeAssam @assampolice @surendrakr_ips pic.twitter.com/QeFpj7KwU9

— Directorate of Vigilance & Anti-Corruption, Assam (@DIR_VAC_ASSAM) July 11, 2023

উল্লেখ্য যে, ২ জুলাইত জামিন প্ৰদানৰ বিনিময়ত অভিযোগকাৰীৰ পৰা উৎকোচ গ্ৰহণ কৰি থকা অৱস্থাত শুৱালকুছি থানাৰ সহকাৰী উপ-পৰিদৰ্শক জয়নাল আলীক গ্ৰেপ্তাৰ কৰা হৈছিল।