৬ বছৰ পূৰ্বে পঞ্চমবাৰৰ বাবে ক্ৰিকেট বিশ্বকাপ জয় কৰিছিল মহাপ্ৰতাপী অষ্ট্ৰেলিয়াই।
মাইকেল ক্লাক নেতৃত্বাধীন সেই দলটোৰ মুখ্য স্পিনাৰ আছিল জেভিয়েৰ ড’হাৰ্টি।
বিশ্বকাপৰ পাছতেই তেওঁ আন্তৰ্জাতিক ক্ৰিকেটৰ পৰা অৱসৰ গ্ৰহণ কৰিছিল।
এতিয়া তেওঁ কাম কৰিছে কাঠমিস্ত্ৰী হিচাপে।
অৱশ্যে টকাৰ অভাৱত পৰি নহয়, স্পিনাৰগৰাকীয়ে এই কাম বাছি লৈছে কামবিধৰ প্ৰতি থকা ভালপোৱাৰ বাবেই।
Test bowler turned carpenter 👷🔨
Xavier Doherty took some time to find what was right for him following his retirement from cricket, but he’s now building his future with an apprenticeship in carpentry.#NationalCareersWeek pic.twitter.com/iYRq2m39jt
— Australian Cricketers’ Association (@ACA_Players) May 18, 2021
ক্ৰিকেটৰ পৰা অৱসৰ লোৱাৰ পাছত কি কৰিব, তাৰ চিন্তাত ৰাতি টোপনি অহা নাছিল তেওঁৰ।
ইয়াৰ পাথ, অষ্ট্ৰেলিয়াৰ ক্ৰিকেটাৰসকলৰ সংস্থাৰ সৌজন্যত তেওঁ এই পেছালৈ আহিছে।
এটা ভিডিঅ’ত ডোহাৰ্টিয়ে কয় যে এই কামটোত তেওঁ এতিয়াও শিক্ষাৰ্থী।
বৰ্তমান তেওঁ কামটোৰ স’তে বেছিভাগ সময় কটাইছে আৰু উপভোগ কৰিছে।
তেওঁ কৈছে ক্ৰিকেটৰ পৰা অৱসৰ লোৱাৰ পাছত তেওঁ কি কৰিব ধৰিবই পৰা নাছিল।
প্ৰথম ১২ মাহত তেওঁ সমুখত যি পায় তাকে কৰি গৈছিল।
পাহাৰ বগোৱা, অফিচৰ কাম, ক্ৰিকেটৰ কাম সকলো কৰিগৈছিল।
তাৰ পাছতে হঠাৎ এই কাঠমিস্ত্ৰীৰ কামটো বাচি ল’লে।
তেওঁ ইয়াৰ বাবে অষ্ট্ৰেলিয়াৰ ক্ৰিকেটাৰসকলৰ সংস্থাক ধন্যবাদ জনাই কয় যে ক্ৰিকেট এৰাৰ পাছত অনেকৰ মানসিক অৱস্থা ভাল নাথাকে, তাৰ খেয়াল সংস্থাটোৱে ৰাখি আহিছে।
উল্লেখযোগ্য যে অষ্ট্ৰেলিয়াৰ হৈ ডোহাৰ্টিয়ে চাৰিখন টেষ্ট খেলিছিল।
আনহাতে এদিনীয়া আৰু টি-২০ ক্ৰিকেটত তেওঁ যথাক্ৰমে ৫৫ আৰু ৬০টা উইকেট লাভ কৰিছিল।
