Former Britain PM David Cameron to teach সদ্যহতে ৰাজনীতিক বিদায় জনাইছে প্ৰাক্তন ব্ৰিটিছ প্ৰধানমন্ত্ৰী ডেভিদ কেমেৰুনে। তেওঁ নিজকে ৰাজনীতিৰ পৰা আঁতৰাই নি শিক্ষকতাক বৃত্তি হিচাপে বাছনি কৰিছে।
ডেভিদ কেমেৰুনে সংযুক্ত আৰৱ আমিৰাতৰ এখন বিশ্ববিদ্যালয়ত শিক্ষক হিচাপে যোগদান কৰিব। কেমেৰুনে আবু ধাবিত থকা নিউয়ৰ্ক বিশ্ববিদ্যালয়ৰ আবু ধাবি চৌহদত তিনি সপ্তাহৰ বাবে ৰাজনীতি বিষয় শিকাব।
লগতে পঢ়ক: বিপদত প্ৰাক্তন ৰাষ্ট্ৰপতি; অভিযোগ প্ৰমানিত হ’লে ৪০ বছৰলৈকে কাৰাবাস হ’ব পাৰে ডোনাল্ড ট্ৰাম্পৰ!
নিউয়ৰ্ক বিশ্ববিদ্যালয়ৰ আবু ধাবি চৌহদ কৰ্তৃপক্ষই কয় যে শ্ৰেণীসমূহ ২০২৩ চনৰ জানুৱাৰীত আৰম্ভ হ’ব। তেওঁ পঢ়ুৱাবলগীয়া বিষয়সমূহৰ ভিতৰত থাকিব ইউক্ৰেইনৰ যুদ্ধ, শৰণাৰ্থী সমস্যা আৰু তথ্য সম্পৰ্কীয় বিভিন্ন বিষয়।
সাধাৰণতে কেমেৰুন ৰাজহুৱাভাৱে বেছি আত্মপ্ৰকাশ নকৰে। ডেভিদ কেমেৰুনে অলপতে এটা কেলেংকাৰীত জড়িত থকাৰ বাতৰি প্ৰকাশ হোৱাৰ পিছত নিজকে অলপ অঁতৰাই ৰাখিছিছিল।
লগতে পঢ়ক: কাশ্মীৰত নিৰাপত্তাৰক্ষী বাহিনীৰ সাফল্য; ৩ লস্কৰ উগ্ৰপন্থীক গুলীয়াই নিহত কাশ্মীৰ আৰক্ষীৰ
প্ৰাক্তন ব্ৰিটিছ প্ৰধানমন্ত্ৰীগৰাকীৰ এজন সহায়কে সংবাদ মাধ্যমক জনায় যে ১১ বছৰ ধৰি কনজাৰ্ভেটিভ পাৰ্টি আৰু ছয় বছৰ প্ৰধানমন্ত্ৰী হিচাপে কাৰ্যনিৰ্বাহ কৰা কেমেৰুনে এইবাৰ বিশ্বৰ অস্থিৰ ৰাজনৈতিক পৰিস্থিতিৰ বিষয়ে শিকাব।
উল্লেখ্য যে ডেভিদ কেমেৰুনে ২০১০ চনৰ পৰা ২০১৬ চনলৈ ব্ৰিটেইনৰ প্ৰধানমন্ত্ৰী হিচাপে কাৰ্যনিৰ্বাহ কৰিছিল।
