দেশৰ নতুন নিৰ্বাচন আয়ুক্ত হিচাপে আজি দায়িত্ব গ্ৰহণ কৰে প্ৰাক্তন আমোলা অৰুণ গোৱেলে। ভোট পেনেলত মুখ্য নিৰ্বাচন আয়ুক্ত ৰাজীৱ কুমাৰ আৰু নিৰ্বাচন আয়ুক্ত অনুপ চন্দ্ৰ পাণ্ডেৰ সৈতে যোগদান কৰিছে বিষয়াগৰাকীয়ে।
১৯৮৫ চনৰ পঞ্জাৱ কেডাৰৰ আই এ এছ বিষয়া গোৱেলে ১৮ নৱেম্বৰত স্বেচ্ছামূলকভাৱে অৱসৰ গ্ৰহণ কৰিছিল। শনিবাৰে তেওঁক নিৰ্বাচন আয়ুক্ত হিচাপে নিযুক্তি দিয়া হৈছিল।
উল্লেখ্য যে, চলিত বৰ্ষৰ মে’ মাহত সুশীল চন্দ্ৰই মুখ্য নিৰ্বাচন আয়ুক্ত পদৰ পৰা অৱসৰ লোৱাৰ পিছৰে পৰা নিৰ্বাচন আয়োগত পদ খালী হৈ আছিল।
গোৱেল শেহতীয়াকৈ গধুৰ উদ্যোগৰ সচিব হিচাপে অৱসৰ গ্ৰহণ কৰিছিল। কেন্দ্ৰীয় সাংস্কৃতিক মন্ত্ৰালয়তো কাৰ্যনিৰ্বাহ কৰিছিল বিষয়াগৰাকীয়ে।
নিৰ্বাচন আয়ুক্ত হিচাপে অৰুণ গোৱেলে আগন্তুক ১ আৰু ৫ ডিচেম্বৰত গুজৰাটত অনুষ্ঠিত হ’বলগীয়া দুটা পৰ্যায়ৰ বিধানসভা নিৰ্বাচনত প্ৰথম দায়িত্ব পালন কৰিব।
ইয়াৰ পিছতে আগন্তুক মাহত নাগালেণ্ড, মেঘালয়, ত্ৰিপুৰা আৰু কৰ্ণাটকৰ নিৰ্বাচনৰ সময়সূচী নিৰ্ধাৰণ কৰিব নিৰ্বাচন আয়োগে।
