২০২০ টকিঅ’ অলিম্পিকলৈ ভাৰতীয় দল ঘোষণা কৰাৰ পূৰ্বে ছয় বাৰৰ বিশ্ব চেম্পিয়ন মেৰীকমৰ বিপক্ষে বক্সিং ৰিঙত নমাৰ দাবীৰে প্ৰাক্তন জুনিয়ৰ বিশ্ব চেম্পিয়ন নিখাত জেৰিনে কেন্দ্ৰীয় ক্ৰীড়া মন্ত্ৰী কিৰেণ ৰিজিজুলৈ পত্ৰ প্ৰেৰণ কৰিছে।
ৰাছিয়াত অলপতে অনুষ্ঠিত হোৱা বিশ্ব চেম্পিয়নৰ বাবে জেৰিনৰ ট্ৰাইল নাকচ কৰি বক্সিং ফেডাৰেশ্যন ইণ্ডিয়াই মণিপুৰী চেম্পিয়ন বক্সাৰ মেৰীকমক জেৰিনতকৈ আগস্থান দি নিৰ্বাচন কৰিছিল।
‘‘মই এক উপযুক্ত সুযোগ বিচাৰিছো। যি লক্ষ্যৰ বাবে মই প্ৰশিক্ষণ গ্ৰহণ কৰি আছো তাক সম্পুৰ্ণ কৰাৰ বাবে যদিহে মোক সুযোগ দিয়া নহয়। ক্ৰীড়া স্বচ্ছ আৰু মই মোৰ দেশৰ ওপৰত বিশ্বাস হেৰুৱাব নোখোজো। জয় হিন্দ,’’ ৰিজিজুলৈ টুইটাৰত জেৰিনে এনেদৰে লিখে।
মেৰীকমে অলপতে ৰাছিয়াত অনুষ্ঠিত বিশ্ব চেম্পিয়নশ্বিপৰ ৫১ কেজি শাখাত নিজৰ অষ্টমটো পদক দখল কৰে।
মেৰীকমক প্ৰতিযোগিতাখনত ব্ৰঞ্জৰ পদক দখল কৰা বাবে বক্সিং ফেডাৰেশ্যন অব ইণ্ডিয়াই অলিম্পিক কোৱালিফায়াৰৰ বাবেও ৰাখিছে।
অলিম্পিক কোৱালিফায়াৰ পৰৱৰ্তী বৰ্ষৰ ফেব্ৰুৱাৰিত চীনত অনুষ্ঠিত হ’ব।
আনহাতে, মেৰীকমে নিৰ্বাচনৰ বাবে বি এফ আইৰ নীতি অনুসৰণ কৰিব বুলি উল্লেখ কৰাৰ লগতে যদিহে ফেডাৰেশ্যনে কোনো প্ৰত্যাহবানৰ বাবে বিচাৰে তেন্তে তেওঁ সাজু বুলিও কয়।
