ওঠৰ দিন একেৰাহে ভেণ্টিলেটৰত থাকি ক’ৰ’না ভাইৰাছত পৰাভূত কৰিবলৈ সক্ষম হৈছে ভাৰতৰ এটা চাৰি মহীয়া শিশুৱে।
অন্ধ্ৰপ্ৰদেশৰ বিশাখাপট্টনমৰ চাৰিমহীয়া শিশুটোৱে ১৮ দিন ভেণ্টিলেটৰত চিকিৎসা গ্ৰহণ কৰাৰ পাছত ক’ৰ’নাৰ পৰা মুক্তি লাভ কৰে।
বিশাখাপট্টনমৰ জিলা উপায়ুক্ত বিনয় চান্দে ক’ৰ’না আক্ৰান্ত হোৱা শিশুটিক শুকুৰবাৰে আবেলি চিকিৎসালয়ৰ পৰা মুক্তি দিয়া হয় বুলি জনায়।
শিশুটোৱে চিকিৎসালয় এৰাৰ সময়ত চিকিৎসালয়খনৰ চিকিৎসককে ধৰি চিকিৎসাকৰ্মী সকলে হাত চাপৰি বজায় অভিবাদন জ্ঞাপন কৰে।
ক’ৰ’না আক্ৰান্ত হোৱা শিশুটিৰ মাতৃ বিগত মে’ত ক’ৰ’না আক্ৰান্ত হৈছিল আৰু মাতৃৰ পৰাই শিশুটিৰ শৰীৰলৈ ক’ৰ’না ভাইৰাছৰ সংক্ৰমণ ঘটিছিল।
ক’ৰ’নাৰ লক্ষণ দেখা শিশুটিক প্ৰথমে চিকিৎসালয়ত ভৰ্তি কৰোৱা হৈছিল আৰু পৰৱৰ্তী সময়ত শিশুটিৰ অৱস্থা অধিক শোচনীয় হ’ব ধৰাত ভেণ্টিলেটৰলৈ লৈ যোৱা হয় আৰু সুদীৰ্ঘ ১৮ দিন ভেণ্টিলেটৰত চিকিৎসাৰ অন্তত শুকুৰবাৰে শিশুটিক ক’ৰ’না নিগেটিভ ঘোষণা কৰি ঘৰলৈ যাবলৈ দিয়া হয়।
ইয়াৰ পূৰ্বেও মহাৰাষ্ট্ৰত এগৰাকী ৩৪ দিনীয় শিশু চিকিৎসাৰ অন্তত ক’ৰ’না মুক্ত হৈছিল।
