জন মেকলাফলিন, জাকিৰ হুছেইন, কণ্ঠশিল্পী শংকৰ মহাদেৱন, পাৰ্কাচনিষ্ট ভি চেলভাগনেশ আৰু ভায়লিনবাদক গণেশ ৰাজগোপালন সহযোগী ফিউজন বেণ্ড শক্তিয়ে সোমবাৰে লছ এঞ্জেলছৰ ক্ৰিপ্টো ডট কম এৰিনাত অনুষ্ঠিত গ্ৰেমী এৱাৰ্ডত শ্ৰেষ্ঠ গ্ল’বেল মিউজিক এলবাম বঁটা লাভ কৰে।
পুনৰ সন্মিলিত আন্তঃৰাষ্ট্ৰীয় ফিউজন গোষ্ঠী শক্তিয়ে শেহতীয়াকৈ মুক্তি পোৱা ‘দিছ মমেণ্ট’ৰ বাবে শ্ৰেষ্ঠ গ্ল’বেল মিউজিক এলবামৰ সন্মানীয় বঁটা লাভ কৰিছে। এইটো এক উল্লেখযোগ্য মাইলৰ খুঁটি হিচাপে বিবেচিত হৈছে কিয়নো ৪৫ বছৰতকৈও অধিক সময়ৰ ভিতৰত এইটোৱেই হৈছে গোটটোৰ প্ৰথমটো নতুন এলবাম।
এলবামটোৱে জন মেকলাফলিন (গীটাৰ, গীটাৰ চিনথ), জাকিৰ হুছেইন (তবলা), শংকৰ মহাদেৱন (কণ্ঠশিল্পী), ভি চেলভাগনেশ (পাৰ্কাচনিষ্ট), আৰু গণেশ ৰাজাগোপালন (ভায়লিনিষ্ট)ক লৈ প্ৰতিভাৱান লাইনআপৰ আঠটা নতুন কম্পোজিশ্যন আগবঢ়াইছে।
Congrats Best Global Music Album winner – 'This Moment' Shakti. #GRAMMYs 🎶
WATCH NOW https://t.co/OuKk34kvdu pic.twitter.com/N7vXftfaDy
— Recording Academy / GRAMMYs (@RecordingAcad) February 4, 2024
গ্ৰেমী বঁটাত চুছানা বাকা, বোকান্টে, বুৰ্না বয়, আৰু ডেভিডোৰ দৰে শিল্পীৰ কঠোৰ প্ৰতিযোগিতাৰ সন্মুখীন হৈ শক্তিয়ে শ্ৰেষ্ঠ গ্ল’বেল মিউজিক এলবামৰ গ্ৰেমী বঁটা লাভ কৰে। এই জয়ে তেওঁলোকৰ চিৰস্থায়ী প্ৰভাৱ আৰু তেওঁলোকৰ স্বকীয় সংগীত সংযোজনৰ বাবে বিশ্বব্যাপী প্ৰশংসাৰ ওপৰতো আলোকপাত কৰিব।
জাষ্টিন ট্ৰেণ্টাৰৰ দ্বাৰা আয়োজিত মূল অনুষ্ঠানৰ পূৰ্বে দেওবাৰে প্ৰি-শ্ব’ প্ৰিমিয়াৰ অনুষ্ঠান অনুষ্ঠিত হয়।
