আমেৰিকাৰ নাগৰিকসকলো সংৰক্ষণশীল স্বভাৱৰ নেকি? বিশ্বৰ ভিতৰতে উন্নত তথা উদাৰবাদী হিচাপে পৰিচিত দেশখনৰ নাগৰিকসকলৰ এয়া কেনে চিন্তা!
প্ৰাক্তন ডেম’ক্ৰেটিক ৰাষ্ট্ৰপতি বাৰাক অ’বামাৰ পত্নী ৫৭ বছৰীয়া মিচেল অ’বামাৰ সৈতে দেশখনৰ ৰিপাব্লিকান প্ৰাক্তন ৰাষ্ট্ৰপতি ৭৪ বছৰীয়া জৰ্জ বুশ্বৰ সম্পৰ্কক লৈ মাৰ্কিন নাগৰিকসকলে মাজত প্ৰায়েই বিৰূপ প্ৰতিক্ৰিয়া প্ৰকাশ পোৱা দেখা যায়।
মিচেলৰ সৈতে বন্ধুত্বপূৰ্ণ সম্পৰ্কক লৈ মাৰ্কিন নাগৰিকৰ এনে প্ৰতিক্ৰিয়াত স্তম্ভিত হৈ পৰিছে জৰ্জ বুশ্ব।
প্ৰাক্তন ৰিপাব্লিকান ৰাষ্ট্ৰপতিগৰাকীয়ে কয় যে মিচেলৰ দৰে বিৰুওধী দলৰ কাৰোবাৰ সৈতে মোৰ বন্ধুত্বক লৈ আমেৰিকানসকলৰ বিৰূপ প্ৰতিক্ৰিয়া এটা সমস্যা।
বুশ্বে কয়,’’ মোৰ ভাৱ হয়, আমেৰিকানসকল তেওঁলোকৰ চিন্তাধাৰাৰ ক্ষেত্ৰত সাংঘাতিক সংৰক্ষণবাদী। তেওঁলোকে ভাৱিবই নোৱাৰে যে জৰ্জ ডব্লিউ বুশ্ব আৰু মিচেল অ’বামা বন্ধু হ’ব পাৰে।‘’
এই সম্পৰ্কত আমেৰিকানসকলৰ প্ৰতিক্ৰিয়াই তেওঁক স্তম্ভিত কৰি তোলা বুলিও মন্তব্য কৰিছে জৰ্জ বুশ্বে।
উল্লেখ্য যে, ২০১৬চনত ৱাশ্বিংটন ডিচিৰ স্মিথছোনিয়ান নেশ্যনেল মিউজিয়াম অফ আফ্ৰিকান আমেৰিকান হিষ্ট’ৰী এণ্ড কালচাৰত এক অনুষ্ঠানত বুশ্ব আৰু মিচেলে ইজনে-সিজনক সাৱটি ধৰিছিল।
ইয়াৰ পাছৰে পৰা দুয়োজনৰ মাজৰ আন্তৰিকতাক লৈ আমেৰিকানসকলৰ মাজৰ বহুতেই বু বু বা বা বিয়পাই দিছে।
