উত্তৰ কুইন্সলেণ্ডত অষ্ট্ৰেলিয়াৰ ৰেঞ্জাৰসকলে কিছুমান মানৱ নৱজাতক কেঁচুৱাৰ ওজনৰ সমান এক “বিশাল আকৃতিৰ ভেকুলী”(monster cane toad) আৱিষ্কাৰ কৰিছে।
কুইন্সলেণ্ডৰ পৰিৱেশ আৰু বিজ্ঞান বিভাগে শুকুৰবাৰে কয় যে “টোডজিলা” নামৰ বিশাল এই ভেকুলী কুইন্সলেণ্ডৰ কনৱে ৰাষ্ট্ৰীয় উদ্যানত ৰেঞ্জাৰসকলে বিচাৰি পাইছে আৰু ইয়াৰ ওজন ২.৭ কিলোগ্ৰাম (প্ৰায় ৬ পাউণ্ড), যি সম্ভৱতঃ এক নতুন বিশ্ব অভিলেখ হ’ব পাৰে।
ৰেঞ্জাৰ কাইলে গ্ৰে-ই যোৱা সপ্তাহত উদ্যানখনৰ মাজেৰে যাত্ৰা কৰাৰ সময়ত পথৰ ওপৰেৰে এটা সাপ কটা ভেকুলীয়ে তেওঁৰ বাহনখন ৰ’বলৈ বাধ্য কৰিছিল। বাহনখনৰ পৰা ওলাই আহি গ্ৰেয়ে কৈছিল যে তেওঁ এটা প্ৰকাণ্ড ভেকুলীৰ মুখামুখি হৈছিল যাৰ আকাৰে তেওঁৰ চকু কপালত তুলিছিল।
গ্ৰেয়ে এক বিবৃতিত কয়, “মই তললৈ গৈ বিশাল ভেকুলীটো ধৰিছিলোঁ আৰু বিশ্বাস কৰিব পৰা নাছিলো যে ই ইমান ডাঙৰ আৰু গধুৰ হ’ব পাৰে।”
তেওঁ কৈছিল “আমি ইয়াক টোডজিলা বুলি অভিহিত কৰিছিলো আৰু সোনকালে ইয়াক এটা পাত্ৰত ৰাখিছিলো যাতে আমি ইয়াৰ বন্যতা আঁতৰাব পাৰোঁ।”
গ্ৰেয়ে কৈছিল “সেই আকৃতিৰ বিশাল ভেকুলী এটাই ইয়াৰ মুখত খাপ খোৱা যিকোনো বস্তু খাব পাৰে যাৰ ভিতৰত পোক-পতংগ, সৰীসৃপ আৰু সৰু স্তন্যপায়ী প্ৰাণীও হ’ব পাৰে।” টোডজিলাক এক মাইকী ভেকুলী বুলি বিশ্বাস কৰা হৈছিল।
৩৯৩ মিটাৰ (১,২৮৯ ফুট) উচ্চতাত আৱিষ্কৃত ঘাতক বিশাল ভেকুলীটোৰ বাবে পাৰ্ক ৰেঞ্জাৰসকল আৰু অধিক ক্ষেত্ৰৰ মাজত যথেষ্ট আগ্ৰহৰ সৃষ্টি হৈছে।
কুইন্সলেণ্ড সংগ্ৰহালয়টোৱে ইয়াক ল’বলৈ আগ্ৰহী কিয়নো ই ৰেকৰ্ডত সৰ্ববৃহৎ হ’ব পাৰে। গ্ৰেয়ে কয় যে টোডজিলা ১৫ বছৰলৈকে জীয়াই থাকিব পাৰে। অৱশ্যে টোডজিলাৰ জীৱন সংক্ষিপ্ত হৈ পৰিছে। এই মাইকী টোডজিলাই এটা ঋতুত ৩০ হাজাৰটালৈকে কণী দিব পাৰে।
