ৱানখেড়েত আফগানিস্তানৰ বিৰুদ্ধে গ্লেন মেক্সৱেলে এক অবিশ্বাস্য ইনিংছ খেলিছিল। তেওঁৰ অপৰাজিত ২০১ ৰানৰ সুবাদতে প্ৰায় পৰাস্ত হোৱা মেচখনত জয়লাভ কৰিছিল অষ্ট্ৰেলিয়াই। মেক্সৱেলে এককভাৱে দলটোক বিশ্বকাপৰ ছেমি ফাইনেললৈ উন্নীত কৰে। পত্নী বিনি ৰমনেও স্বামীৰ এই ইনিংছ দেখি স্তম্ভিত।
মেক্সৱেলে খেলি থকাৰ সময়ত বিনি ৱানখেড়ে ষ্টেডিয়ামত উপস্থিত আছিল। মেচ শেষ হোৱাৰ পিছত তেওঁ নিজৰ ইনষ্টাগ্ৰাম ষ্ট’ৰীত এখন ছবি পোষ্ট কৰে। মেক্সৱেলক তাত খেলপথাৰত খেলি থকা দেখা যায়।
বিনিয়ে ১০০ কাটি ছবিখনৰ মাজত ২০১ লিখিলে। অৰ্থাৎ তেওঁৰ স্বামীয়ে শতৰাণ নহয়, দ্বিশতৰাণ কৰা বুলি বুজাব বিচাৰিছে। এই ইনিংছটো দেখাৰ পিছত তেওঁ নিজৰ আৱেগক ধৰি ৰাখিব পৰা নাই বুলিও বুজাই দিছে বিনিয়ে।
![](https://assam.nenow.in/wp-content/uploads/2023/11/images-300x174.jpg)
২০২২ চনত বিনিৰ সৈতে বিবাহপাশত আবদ্ধ হয় মেক্সৱেল। চলিত বৰ্ষৰ মে’ মাহত তেওঁলোকৰ এটি পুত্ৰ সন্তান জন্ম হয়। বিশ্বকাপৰ আৰম্ভণিতে তেওঁলোক ভাৰতত নাছিল। প্ৰতিযোগিতাৰ সময়ত ভাৰতলৈ আহিছিল পত্নী আৰু নৱজাত পুত্ৰ। পৰিয়ালক কাষত পাই মেক্সৱেলৰ যেন খেলৰ শৈলীয়েই সলনি হৈছে । তেওঁ বিধ্বংসী খেল খেলিছে।
![](https://assam.nenow.in/wp-content/uploads/2023/11/Glenn-Maxwell-and-wife-Vini-Raman_18bae879767_original-ratio-300x225.jpg)
চলিত বিশ্বকাপত মেক্সৱেলে মাত্ৰ ৪০টা বলত শতক অৰ্জন কৰিছে। প্ৰসংগক্ৰমে আগদিনা সন্তানৰ সৈতে বিনি ভাৰতলৈ আহিছিল। মঙলবাৰে ৱানখেড়েত আফগানিস্তানৰ বিৰুদ্ধে ৯১ ৰানত ৭ ৰানৰ পৰা মেক্সৱেলে দলটোক ২৯৩ ৰানলৈ লৈ যোৱাত নেতৃত্ব দিয়ে। তেওঁ ১২৮টা বলত ২০১ ৰান সংগ্ৰহ কৰে। মেক্সৱেলে ২১টা চাৰি আৰু ১০টা ছয় মাৰে।
![](https://assam.nenow.in/wp-content/uploads/2023/11/6a90bd3a-4178-4259-8b47-45fd9ac54475-300x225.jpg)
এই ইনিংছৰ পিছত শচীন তেণ্ডুলকাৰে কয় যে এই ইনিংছ তেওঁ দেখা শ্ৰেষ্ঠ ইনিংছ। বিৰাট কোহলীয়েও অভিনন্দন জনায়। এইবাৰ অষ্ট্ৰেলিয়াৰ ক্ৰিকেটাৰগৰাকীয়ে পত্নীৰ পৰাও প্ৰশংসা লাভ কৰে।