কাঁ চলচ্চিত্ৰ মহোৎসৱৰ পৰা ওভতাৰ সময়তে গুৱাহাটী পৌৰ নিগমৰ তৰফৰ পৰা এক জাননী আহে লুইত কুমাৰ বৰ্মণৰ বিৰুদ্ধে।
গুৱাহাটীৰ হাতীগাঁওৰ বনফুল পথত থকা ৪০ নং বাসগৃহ অবৈধভাৱে নিৰ্মাণ কৰাৰ অভিযোগ বৰ্মণৰ বিৰুদ্ধে।
গুৱাহাটী হাতীগাওঁ বনফুল নগৰত চাৰি মহলীয়া আৰ চি চি আৰু আসাম টাইপ গৃহ অবৈধ নিৰ্মাণ কৰাৰ অভিযোগ গুৱাহাটী পৌৰ নিগমৰ।
জিএমচিয়ে সাত দিনৰ ভিতৰত বৰ্মনক উত্তৰ দিয়াৰ সময় বান্ধি জাননী জাৰি কৰিছে যদিও বৰ্মণে বৰ্তমানলৈকে জাননীখন লাভ কৰা নাই বুলি সংবাদ মাধ্যমৰ আগত সদৰী কৰে।
ইপিনে, সংবাদ মাধ্যমত জাননীখন প্ৰকাশ পোৱাৰ পাছতে এই সন্দৰ্ভত প্ৰতিক্ৰিয়া প্ৰকাশ কৰে লুইত কুমাৰ বৰ্মণে।
উল্লেখযোগ্য যে, ৰেড কাৰ্পেট প্ৰসংগত বিভিন্ন সময়ত সামাজিক মাধ্যমত ব্যাপক প্ৰতিক্ৰিয়া প্রকাশ কৰি প্ৰযোজক-ব্যৱসায়ী লুইত কুমাৰ বৰ্মন চৰকাৰৰ ৰোষত পৰা বুলি সন্দেহ প্ৰকাশ কৰে বৰ্মণে।
ইফালে জিএমচিয়ে জাননী জাৰি কৰা প্ৰসংগত বৰ্মনে আজি সংবাদ মাধ্যমৰ সন্মুখত কয় “যদি অবৈধ তেন্তে ভাঙক মোৰ অট্টালিকা।গুৱাহাটীৰ কোনো অট্টালিকা সঠিক নীতি-নিয়মত নিৰ্মান কৰা হোৱা নাই। মোৰ লগতে গোটেইখিনি অট্টালিকা ভাঙি গুৱাহাটীখন চাফা কৰি পেলাওঁক। আনকি জনতা ভৱন আৰু উচ্চতম ন্যায়ালয়ো ১০০% নিয়ম মাফিকভাবে নিৰ্মাণ হোৱা নাই।
বৰ্মণে আৰু কয়- “গোটেই গুৱাহাটীৰ অট্টালিকা সমূহ ভাঙি এখন পৰিকল্পিত চহৰ প্ৰস্তুত কৰক মোৰ আপত্তি নাই। মুখ্যমন্ত্ৰীৰ বাসগৃহ, জনতা ভৱনকে আদি কৰি বিভিন্ন স্থানত নিৰ্মাণ কৰা গৃহ RTI কৰিব”।
ইপিনে, এই সন্দৰ্ভত ছ’চিয়েল মিডিয়াযোগে বৰ্মণে কয় “ভালে হৈছে চবৰে মুখা খোল যাওঁক ৰেড কাৰ্পেটৰ দৰে।যিটো গুলি মাৰিব গৈ আছোঁ চৰকাৰৰ একো নহয় জি এম চিয়ে ক্ষমা খুজিব লাগিব মোক।”
