ৰাজ্যত অপ্ৰতিৰোধ্য ক’ৰ’নাৰ সংক্ৰমণৰ মাজতে আহিছে এক ভাল তথা ডাঙৰ খবৰ
ৰাজ্যত অপ্ৰতিৰোধ্য ক’ৰ’নাৰ সংক্ৰমণ কিন্তু তাৰ মাজতে আজিৰ দিনটোত আহিছে এক ভাল তথা ডাঙৰ খবৰ।
আজিৰ দিনটোত এতিয়ালৈ ৰাজ্যত ক’ৰ’নামুক্ত হৈছে সৰ্বাধিক ৩০১ গৰাকী লোক।
টুইটাৰযোগে স্বাস্থ্য মন্ত্ৰী হিমন্ত বিশ্ব শৰ্মাই এই কথা প্ৰকাশ কৰিছে।
কিন্তু, কোন কোন চিকিৎসালয়ৰ পৰা আৰোগ্য লাভ কৰা লোক সকলক মুক্তি দিয়া হৈছে সেই কথা জনোৱা নাই স্বাস্থ্য মন্ত্ৰীগৰাকীয়ে।
লোক কেইগৰাকীক দুবাৰকৈ টেষ্ট কৰাৰ পাছত ফলাফল নিগেটিভ ওলোৱাত তেওঁলোকক চিকিৎসালয়ৰ পৰা যাবলৈ দিয়া হয়।
চিকিৎসক, নাৰ্ছ আৰু স্বাস্থ্য কৰ্মীয়ে ভালদৰে কাম বা চিকিৎসা সেৱা আগবঢ়োৱাৰ বাবে এইয়া সম্ভৱ হৈ উঠা বুলি দাবী স্বাস্থ্য মন্ত্ৰীৰ।
৮ জুনৰ পৰা আজিলৈকে মুঠ ৪৪৯ গৰাকী ৰোগীক মুক্তি দিয়াৰ ফলত ৰাজ্যত ১৮৪৪ লৈ হ্ৰাস পালে সক্ৰিয় হৈ থকা ক’ৰ’ণা আক্ৰান্তৰ সংখ্যা।
ৰাজ্যত এতিয়ালৈকে ১০৮৫ গৰাকী লোক ক’ৰ’ণা মুক্ত হৈছে।
ৰাজ্যত আজিৰ দিনটোত বৰ্তমানলৈকে ১০২ গৰাকী লোক এই কোভিড-১৯+ ত আক্ৰান্ত হোৱাত মুঠ আক্ৰান্ত ৰোগীৰ সংখ্যা ২৯৩৭ লৈ বৃদ্ধি পোৱাত সকলো আতংকিত হৈছিল যদিও ২৪ ঘণ্টাত ৪৪৯ গৰাকীকৈ ৰোগী ক’ৰ’নামুক্ত হোৱাটোৱে জনসাধাৰণৰ মনলৈ সুখৰ বাৰ্তা কঢ়িয়াই আনিছে।