বেনাৰস হিন্দু বিশ্ববিদ্যালয়ৰ বিজ্ঞান প্ৰতিষ্ঠানৰ উদ্ভিদ বিজ্ঞান বিভাগৰ সহযোগী অধ্যাপক ড০ পুৰবী শইকীয়াক বিজ্ঞান যুৱ – শান্তিস্বৰূপ ভাটনগৰ বঁটা -২০২৪ৰ বাবে নিৰ্বাচিত কৰা হৈছে।
পৰিৱেশ বিজ্ঞানৰ ক্ষেত্ৰখনলৈ আগবঢ়োৱা অৱদানৰ বাবে এই সন্মান প্ৰদান কৰা হৈছে। শইকীয়াৰ গৱেষণা বিশেষজ্ঞতাৰ ক্ষেত্ৰসমূহে উদ্ভিদ পৰিৱেশ বিজ্ঞান, জৈৱ বৈচিত্ৰ্য সংৰক্ষণ, আৰু মাটিৰ পৰিৱেশ বিজ্ঞানক সামৰি লৈছে।
বিজ্ঞান প্ৰতিষ্ঠানৰ সঞ্চালক সঞ্জয় কুমাৰৰ লগতে বিজ্ঞান অনুষদৰ ডীন অধ্যাপক এছ এম সিং, আৰু বি এইচ ইউৰ বৈজ্ঞানিক সমিতিৰ বিশিষ্ট সদস্যসকলে ড০ শইকীয়াক এই সন্মানৰ বাবে নিৰ্বাচিত হোৱাৰ বাবে আন্তৰিক অভিনন্দন জ্ঞাপন কৰে।
ইয়াৰ পূৰ্বে ড০ শইকীয়াই ৰাঁচীৰ ঝাৰখণ্ডৰ কেন্দ্ৰীয় বিশ্ববিদ্যালয়ত কাৰ্যনিৰ্বাহ কৰিছাল। বিজ্ঞান যুৱ-শান্তি স্বৰূপ ভাটনগৰ বঁটা বিজ্ঞান আৰু প্ৰযুক্তিৰ ক্ষেত্ৰত ব্যতিক্ৰমী অৱদান আগবঢ়োৱা যুৱ বিজ্ঞানীসকলক প্ৰদান কৰা এক সন্মানীয় স্বীকৃতি। ২০২৪ বৰ্ষৰ বঁটাৰ ঘোষণা ভাৰত চৰকাৰৰ The Principal Scientific Advisor ৰ সন্মানীয় কাৰ্যালয়ে এই সন্মানৰ তাৎপৰ্যৰ ওপৰত আলোকপাত কৰে।
