কৰ’নাৰ এই প্ৰত্যাহ্বানমূলক সময়ছোৱাত ৰাজ্যৰ সকলো কোভিড আক্ৰান্ত ৰোগী তথা ইয়াৰ সৈতে জড়িত হৈ থকা চিকিৎসক সকলৰ কাৰণে গুৱাহাটীস্থিত এপ’ল’ হস্পিতাল কৰ্তৃপক্ষই নিৰ্মাণ কৰি উলিয়াইছে এক অত্যাধুনিক বাকচ।
এপ’ল’ হস্পিতালৰ বায়’মেডিকেল ইঞ্জিনিয়াৰিং বিভাগে বিশেষ প্ৰযুক্তি ব্যৱহাৰ কৰি নিৰ্মাণ কৰি উলিয়াই ইউ ভি ষ্টেৰিলাইজেচন বাকচ৷ লগতে এই ইউ ভি ষ্টেৰিলাইজেচন বাকচৰ সমান্তৰালভাৱে তেওলোকে নিৰ্মাণ কৰি উলিয়াই এইৰ’চ’ল এক্ৰিলিক বাকচ।
এই এইৰ’চ’ল এক্ৰিলিক বাকচটো আই চি ইউ আৰু অ’ টিৰ চিকিৎসকসকলৰ বাবে সুবিধাজনক হ’ব৷
যাৰ জৰিয়তে ৰোগীসকলৰ মুখৰ পৰা নিৰ্গত হোৱা বিষাক্ত এইৰ’চ’লৰ পৰা চিকিৎসকসকলে নিজকে সুৰক্ষা কৰিব পাৰিব।
ইউ ভি ষ্টেৰিঅ’লাইজড বাকচটো নিৰ্মাণ কৰোতে ইউ ভি জি আই ডিচইনফেক্টেড প্ৰক্ৰিয়াৰ ব্যৱহাৰ কৰা হয়। এই প্ৰক্ৰিয়াৰ জৰিয়তে সুক্ষ্ম জীৱাণুসমূহ ধ্বংস কৰিব পৰা যায়।
উল্লেখ্য যে এই বাকচটোৰ ভিতৰত চিকিৎসাত ব্যৱহাৰ হোৱা ষ্টেট’স্ক’প, গ্লাচ, মাস্ক, কাগজ পত্ৰ, টকা পইচা তথা মোবাইল ফোনৰ দৰে সঁজুলিসমুহ কিছু সময়ৰ বাবে বাকচটোত ৰাখি চেনিটাইজ কৰিব পৰা যায়।
এই এইৰ’চ’ল এক্ৰিলিক বাকচবোৰ চিকিৎসক আৰু অস্ত্ৰোপচাৰক সকলৰ বাবে সংক্ৰমণ ৰোধৰ এক বিশেষ তথা তেওলোকৰ ব্যক্তিগত আহিলা।
এই সঁজুলিবিধৰ দ্বাৰা আই চি ইউ আৰু অ’ টিত স্বাস্থ্যকৰ্মী সকলে ইনটিউকেশ্যনৰ সময়ছোৱাত পি পি ই কিট পৰিধান নকৰিলেও কোনোধৰণৰ অসুবিধাৰ সন্মুখীন নহয়।
এই বাকচ দুটাৰ জৰিয়তে কোনোধৰণৰ বায়ু প্ৰদূষিত নহয়৷ এপ’ল হস্পিতাল গুৱাহাটীয়ে এই নিৰ্মাণৰ জৰিয়তে চাফ চিকুণতা একেবাৰে বৰ্তাই ৰখাত এক গুৰুত্বপূৰ্ণ ভূমিকা পালন কৰিছে ৷
