এগৰাকী মালায়ালম অভিনেত্ৰীক সন্মান জনাইছে গুগলে; কোন তেওঁ? জানক সৱিশেষ

আজি ৰাতিপুৱাৰ পৰা গুগল ডুডলত দেখা গৈছে এগৰাকী মহিলাৰ ছবি। গুগলৰ হোম পেজ খুলিলেই দেখা গৈছে এগৰাকী মহিলাৰ গ্ৰাফিক্স। পৰিধানত শাৰী আৰু মুগা ব্লাউজ। পিছপিনে পুৰণি দিনৰ চিনেমাৰ ৰিল। তাৰ ওপৰত লিখা ৰৈছে গুগল। আৰু এই ৰীলৰ ওপৰত আৰু তলত ফুলৰ সজ্জা। এই গ্ৰাফিক্সত ক্লিক কৰিলে পেজ এটা খোলে। তাত তেওঁৰ বিষয়ে বিৱৰণ আছে।

তেওঁ পি কে ৰোজি। আজি তেওঁৰ ১২০ তম জন্ম জয়ন্তী। তেওঁৰ জন্ম হৈছিল ১৯০৩ চনত। তিৰুৱন্তপুৰমৰ ৰাজম্মাত জন্ম। আগতে এইটো কেৰালাৰ ত্ৰিভাদ্ৰামৰ অংশ আছিল। আজি গুগলে জনায়, “আজিৰ ডুডলে পি কে ৰোজিক সন্মান জনাইছে। যি মালায়ালম চলচ্চিত্ৰৰ প্ৰথম মহিলা মুখ্য চৰিত্ৰত পৰিগণিত হৈছিল।‘’

সেই সময়ত তেওঁ এগৰাকী মালায়ালম অভিনেত্ৰী আছিল। তেওঁ বহুতো বাধাৰ সন্মুখীন হ’বলগীয়া হৈছিল। এগৰাকী শিল্পী আৰু খ্ৰীষ্টান সম্প্ৰদায়ৰ লোক হোৱাৰ বাবে তেওঁ কঠোৰ প্ৰতিৰোধৰ সন্মুখীন হৈছিল। তেওঁৰ পিতৃ আৰু মাতৃয়ে শ্ৰমিক হিচাপে কাম কৰিছিল। তেওঁ কঠোৰ সংগ্ৰামৰ মাজেৰে চিনেমাৰ জগতত ভৰি দিছিল।

তেওঁৰ প্ৰথম চলচ্চিত্ৰ আছিল বিগতকুমাৰন। ছবিখন ১৯২৮ চনত মুক্তি দিয়া হৈছিল। ছবিখনৰ মুক্তিৰ পিছত তেওঁ যথেষ্ট সমালোচনাৰ সন্মুখীন হৈছিল।  এগৰাকী দলিত মহিলাক নায়াৰৰ চৰিত্ৰত দেখি জনতা ক্ষুব্ধ হৈ পৰিছিল। চলচ্চিত্ৰখনৰ উদ্বোধনী অনুষ্ঠানত শিল নিক্ষেপ কৰা হৈছিল। তেওঁ জীৱনৰ প্ৰতিটো পদক্ষেপতে বহুতো সমস্যাৰ সন্মুখীন হৈছিল।

New Google Doodle has been released: "P.K. Rosy's 120th Birthday" 🙂#google #doodle #designhttps://t.co/3Ru3keQVzg pic.twitter.com/z8b9NFNBs0

— Google Doodles EN (@Doodle123_EN) February 9, 2023

তেওঁ বহুতো ভাল কাম কৰি গৈছে। তেওঁ দ্ৰুততাৰে জনপ্ৰিয়তা অৰ্জন কৰিছিল। কিন্তু বিতৰ্কই তেওঁক লগ এৰা নাছিল। তেওঁৰ উপস্থিতিৰ বাবে অনুষ্ঠান বৰ্জন কৰা হৈছে। অভিনয়ৰ অপৰাধৰ বাবে উচ্চ বৰ্ণৰ মানুহে তেওঁৰ ঘৰ জ্বলাই দিছে। তেওঁ ট্ৰাকত উঠি পলাই গৈছিল। তেওঁ জীৱনৰ প্ৰতিটো পদক্ষেপতে বহুতো সমস্যাৰ সন্মুখীন হ’ব লগা হৈছিল।

আজি গুগলে এই মহান ব্যক্তিগৰাকীক সন্মান জনাইছে। আজি তেওঁৰ জন্মদিনত গুগল ডুডলটো সুশোভিত কৰা হৈছে। এনে এক বিশেষ দিনত বা এজন বিশেষ ব্যক্তিৰ জন্মদিন বা মৃত্যু বাৰ্ষিকীত তেওঁক সন্মান জনোৱাৰ বাবে গুগলত এক বিশেষ আভাস পোৱা যায়। বিশেষ উৎসৱত গুগলত চমক দেখা যায়। বিশেষ গ্ৰাফিক্স ওলায়। এইবাৰো তাৰ ব্যতিক্ৰম নহয়। আজি এই বিশেষ দিনটোত গুগল সজোৱা হৈছে, আজি গুগলে এই মালায়ালম অভিনেত্ৰীগৰাকীক সন্মান জনাইছে।