অৰুণাচলৰ ৰাজ্যপাল অৱসৰপ্ৰাপ্ত ব্ৰিগেডিয়াৰ (ড০) বি ডি মিশ্ৰই ৰাজ্যখনৰ জনসাধাৰণক গান্ধী জয়ন্তীৰ ওলগ জনাইছে। নাগৰিকলৈ প্ৰেৰণ কৰা এটা বাৰ্তাত ৰাজ্যপালগৰাকীয়ে কৈছে, ”বন্ধুত্ববোধ, শান্তি আৰু সহ্যশক্তিক উদগনি দিয়াৰ আমাক গান্ধী জয়ন্তীয়ে মনত পেলাই দিয়ে। জাতিৰ উন্নতিৰ বাবে উৎসাহেৰে কাম কৰিবলৈও এই দিনোটৱে আমাক উৎসাহিত কৰে।” তেওঁ আশা ব্যক্ত কৰে যে গান্ধী জয়ন্তীয়ে মানুহক সত্য আৰু শান্তি পথ গ্ৰহণ কৰিবলৈ উৎসাহিত কৰিব।
ৰাজ্যপালগৰাকীয়ে আৰু কৈছে যে মহাত্মা গান্ধীয়ে তেওঁৰ সমস্ত জীৱনটো নিঃস্ব, সম্বলহীন আৰু শোষিতসকলৰ কল্যাণৰ বাবে নিয়োজিত কৰিছিল। সাম্প্ৰদায়িক একতাৰ বানেধোন শক্তিশালী কৰা আৰু অখণ্ডতা ৰক্ষা কৰাৰ বাবে তেওঁ নিৰবিচ্ছিন্ন ভাৱে কাম কৰি গৈছিল।
আজি ভাৰতৰ সকলো নাগৰিকৰ অন্তৰত গান্ধী শান্তি আৰু স্বচ্ছতাৰ সমাৰ্থক হৈ পৰিছে। আজি এই স্মৰণীয় দিনটোত শান্তি আৰু ন্যায়ক উদগনি প্ৰতিজ্ঞা কৰিবলৈ আৰু গান্ধীৰ আদৰ্শৰে স্বচ্ছতা আৰু পৰিৱেশৰ উন্নতিসাধন কৰিবলৈ ৰাজ্যপালগৰাকীয়ে ৰাইজলৈ আহ্বান জনায়। তেওঁ আৰু কয় যে বৰ্তমানতকৈ অধিকতৰ সুন্দৰ পৃথিৱী ভৱিষ্যতৰ প্ৰজন্মৰ বাবে নিৰ্মাণ কৰাটো আমাৰ লক্ষ্য হোৱাটো উচিৎ বুলি তেওঁ কয়।
