৩১ ডিচেম্বৰ তথা নৱবৰ্ষৰ প্ৰাকক্ষণত যাতে মহানগৰীত যাতে কোনো ধৰণৰ অঘটন সংঘটিত নহয় তাৰ প্ৰতি লক্ষ্য ৰাখি জিলা প্ৰশাসনে কেইটামান কঠোৰ নিৰ্দেশনা জাৰি কৰিছে। বিশেষকৈ বাৰ, হোটেল, ৰেষ্টোৰেণ্টৰ ক্ষেত্ৰত কঠোৰ হৈছে জিলা প্ৰশাসন।
নৱবৰ্ষৰ পাটীৰ নামত বাৰ, হোটেল তথা ৰেষ্টুৰেণ্ট সমূহ ১২ বজালৈকেহে খোলা ৰাখিব পাৰিব। তাৰোপৰি যিসমূহ যি সমূহ বাৰ ৰেষ্টুৰেণ্টৰ ১০-১২ বজালৈ খোলা ৰখাৰ অনুমতি লোৱা আছে সেই সমূহেও সময়মতে বন্ধ কৰিব লাগিব বুলি জিলা প্ৰশাসনে নিৰ্দেশনা প্ৰেৰণ কৰিছে। লগতে হোটেল, ৰেষ্টোৰেণ্ট সমূহত চিচিটিভি কেমেৰা সংস্থাপন কৰিবলৈও জিলা প্ৰাশসনে নিৰ্দেশ প্ৰদান কৰিছে।
তাৰোপৰি নৱবৰ্ষৰ প্ৰাকক্ষণত অৰ্থাৎ ৩১ ডিচেম্বৰত ৰাজহুৱাস্থানত সুৰাপান কৰাতো নিষেধাজ্ঞা আৰোপ কৰিছে জিলা প্ৰশাসনে। জিলা প্ৰশাসনৰ নিৰ্দেশন অমান্য কৰি ৰাজহুৱা স্থানত সুৰা পান কৰিলে ৫০০০ টকালৈকে জৰিমনা ভৰিব লাগিব বুলি জিলা প্ৰশাসনে জানিবলৈ দিয়ে।
আনহাতে সুৰাপায়ী চালকসকলৰ প্ৰতিও কঠোৰ হৈ পৰিছে মহানগৰ যান-বাহন আৰক্ষী। যান-বাহন শাখাৰ উপ আৰক্ষী আয়ুক্ত অমজিৎ কৌৰে মহানগৰ যান-বাহন আৰক্ষীয়ে সুৰাপায়ী চালকসকলৰ বিৰুদ্ধে অভিযান অব্যাহত ৰাখিছে বুলি জানিবলৈ দিয়ে। গতিকে নৱবৰ্ষৰ প্ৰাকক্ষণত সুৰাপান কৰি গাড়ী নচলাবলৈ আহ্বান জনাইছে উপ-আৰক্ষী আয়ুক্ত গৰাকীয়ে।
