ক’ৰ’না ভাইৰাছৰ সংক্ৰমণৰ মাজতে আজি অসমৰ ৰাজ্যপাল জগদীশ মুখীয়ে কোকৰাঝাৰ ভ্ৰমণ কৰে।
ৰাজ্যপাল মুখীয়ে ল’কডাউনৰ সময়ত বি টি চি ভ্ৰমণ কৰাক তীব্ৰ সমালোচনা কৰিছে প্ৰাক্তন বি টি চি প্ৰধান হাগ্ৰামা মহিলাৰীয়ে।
প্ৰাক্তন বি টি চি প্ৰধান হাগ্ৰামা মহিলাৰীয়ে ৰাজ্যপাল গৰাকীয়ে কেন্দ্ৰীয় চৰকাৰৰ ল’কডাউনৰ নীতি-নিৰ্দেশনা ভংগ কৰা বুলি সমালোচনা কৰে।
By visiting Kokrajhar today, Hon’ble Governor of Assam @jagdishmukhi has violated the lockdown guidelines issued by @HMOIndia. While according to the MHA guidelines persons above 65 years of age are advised to stay home, the Governor, who is above the age of 65, not only..1/2
— Hagrama Mohilary (@HagramaOnline) May 19, 2020
‘‘আজি কোকৰাঝাৰ ভ্ৰমণ কৰি অসমৰ সন্মানীয় ৰাজ্যপাল জগদীশ মুখীয়ে কেন্দ্ৰীয় গৃহ মন্ত্ৰ্যালয়ে জাৰি কৰা ল’কডাউনৰ নিৰ্দেশনা উলংঘা কৰিছে। গৃহ মন্ত্ৰ্যালয়ৰ নিৰ্দেশনা অনুসৰি ৬৫ বছৰৰ ওপৰৰ ব্যক্তি সকলক ঘৰত থকাৰ বাবে উপদেশ দিয়া হৈছে, ৰাজ্যপালৰ বয়স ৬৫ বছৰৰ বেছি,’’ হাগ্ৰামাই টুইটাৰত এইদৰে লিখে।
উল্লেখযোগ্য যে, ক’ৰ’না ভাইৰাছৰ সংক্ৰমণৰ বাবে বি টি চিত নিৰ্বাচন অনুষ্ঠিত কৰিব নোৱাৰাত বৰ্তমান বি টি চিত ৰাজ্যপালৰ শাসন চলি আছে।
হাগ্ৰামা মহিলাৰী আৰু তেওঁৰ ৰাজনৈতিক দল বি পি এফে প্ৰথমৰে পৰা ৰাজ্যপালৰ শাসনৰ তীব্ৰ বিৰোধিতা কৰি আহিছে।
