দালাল ৰাজত অতিষ্ঠ জনতা! হাজোৰ এইটো অঞ্চলত সমূহীয়া ভাৱে বৰ্জন কৰিলে সুমন হৰিপ্ৰিয়াক
সমাগত বিধান সভা নিৰ্বাচনৰ পৰিপ্ৰেক্ষিতত সমগ্ৰ ৰাজ্যতে এতিয়া উথপথপ নিৰ্বাচনী পৰিৱেশ।
ব্যতিক্ৰম নহয় ৫৫নং হাজো বিধান সভা সমষ্টিও।
মনোনয়ন পৰ্ৱ শেষ হোৱাৰ পিছতে এতিয়া প্ৰত্যেকটো ৰাজনৈতিক দলে আৰম্ভ কৰিছে নিজৰ নিজৰ প্ৰচাৰ কাৰ্য্য।
আসন্ন বিধান সভা নিৰ্বাচনৰ বাবে ভাৰতীয় জনতা পাৰ্টীৰ তৰফৰ পৰা পুণৰ প্ৰাৰ্থীত্ব আগবঢ়োৱা বিধায়িকা সুমন হৰিপ্ৰিয়াৰ বিৰুদ্ধে এতিয়া প্ৰতিষ্ঠান বিৰোধী ঢৌ তুংগত উঠা যেন পৰিলক্ষিত হৈছে।
নিজৰ কৃত কৰ্মৰ বাবে জনৰোষৰ সন্মুখীন হৱলগীয়া হৈছে বিধায়িকা সুমন হৰিপ্ৰিয়া।
শ্বহীদ খগেন ভৰালী গাওঁ পঞ্চায়ত এলেকাৰ এটা বৃহৎ চুবুৰীৰ ৰাইজ গয়ৰহে ৰাজহুৱা সভা অনুষ্ঠিত কৰি আগন্তুক নিৰ্বাচনৰ সময়ত বৰ্জনৰ সমূহীয়া সিদ্ধান্ত গ্ৰহণ কৰিছে বিধায়িকা সুমন হৰিপ্ৰিয়াক।
নিৰ্বাচনত সুমন পৰিপ্ৰিয়াৰ প্ৰতি কোনো ধৰণৰ সহযোগিতা নকৰাৰ পণ লৈছে মলিদাপাৰা চুবুৰীৰ ৰাইজ গয়ৰহে।
উল্লেখযোগ্য যে চতুৰ্দশ বিত্তীয় আয়োগৰ অধীনত অহা ১৬লাখ টকাৰ পথ নিৰ্মাণ সম্পৰ্কীয় এক বিষয়ত বিধায়িকা সুমন হৰিপ্ৰিয়াই উক্ত ৰাইজ গয়হৰক অৱজ্ঞা কৰাৰ গুৰুতৰ অভিযোগ উথ্বাপিত হৈছে।
অঞ্চলটোৰ বাবে আৱণ্টিত এটা পথ কাটি নি অইন ঠআইত দিয়াৰ বাবেই উক্ত অঞ্চলৰ ৰাইজে সুমন হৰিপ্ৰিয়াক বৰ্জন কৰা বুলি ৰাইজে প্ৰকাশ কৰিছে।