মহ খেদা ধূপেই হ’ল কাল : গাড়ীৰ ভিতৰত মহ খেদা ধূপ জ্বলাই শোৱাৰ পৰা নুঠিল চালক

পশ্চিম বংগত সংঘটিত হৈছে এক মৰ্মান্তিক ঘটনা। গাড়ীৰ ভিতৰত মহ খেদা ধূপ জ্বলাই শোৱাই কাল হ’ল এজন গাড়ী চালকৰ। গাড়ীৰ ভিতৰত মহ খেদা ধূপ জ্বলাই শুই পৰা চালকজন আৰু কাহানিও নুঠিল শুই।

চালকজনৰ নাম কিশাণ লোহাৰ। কিশাণ লোহাৰৰ ঘৰ পশ্চিমবংগৰ বৰ্ধমান জিলাত।

বাতৰি অনুসৰি কিশাণে এসপ্তাহ পূৰ্বে এজন যাত্ৰীক লৈ আহিছিল বিহাৰৰ জামুইলৈ। যাত্ৰীজন জামুইৰ এখন হোটেলত বাহৰ পাতি আছিল। তাৰ পৰিৱৰ্তে কিশাণে নিশাটো কটাইছিল হোটেলৰ বাহিৰত ৰখাই থোৱা গাড়ীখনৰ ভিতৰত। প্ৰতিনিশা শোৱাৰ আগত মহ খেদিবৰ বাবে গাড়ীৰ ভিতৰত কিশাণে জ্বলাই লৈছিল মহ খেদা ধূপ। সেইটোৱেই কাল হ’ল কিশাণৰ। মহ খেদা ধূপৰ ধোঁৱাত শ্বাসৰুদ্ধ হৈ গাড়ীৰ ভিতৰতে মৃত্যুক আঁকোৱালি ল’লে কিশাণ লোহাৰে।

দেওবাৰে পুৱা গাড়ীৰ বাহিৰৰ পৰা যাত্ৰীজনে কিশাণৰ মৃত্যু হোৱা বুলি অনুমান কৰি আৰক্ষীক খবৰ দিয়ে। ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে।

कार में मॉस्किटो क्वाइल जलाकर सो रहा था ड्राइवर, दम घुटने से हुई मौत. पश्चिम बंगाल का रहने वाला था ड्राइवर किशन लोहार, बुकिंग पर आया था बिहार के जमुई. pic.twitter.com/bEhKzryW6I

— Utkarsh Singh (@UtkarshSingh_) February 5, 2023

এই সন্দৰ্ভত তদন্তকাৰী আৰক্ষী বিষয়াগৰাকীয়ে কয় যে, মহৰ ধূপৰ বাবে শ্বাসৰুদ্ধ হৈ গাড়ীখনৰ চালকজনৰ মৃত্যু হোৱা যেন লাগে। কিন্তু মৰণোত্তৰ পৰীক্ষাৰ পিছতহে স্পষ্ট হ’ব মৃত্যুৰ প্ৰকৃত কাৰণ।