Manipur ambush: শ্বহীদ জোৱান সুমন স্বৰ্গীয়াৰীৰ বাসগৃহত মুখ্যমন্ত্ৰী হিমন্ত বিশ্ব শৰ্মা, উত্তৰ-পূৱৰ সকলো উগ্ৰপন্থী সংগঠনক আলোচনালৈ আমন্ত্ৰণ
মণিপুৰত উগ্রপন্থীৰ এম্বুছত মৃত্যু বৰণ কৰা শ্বহীদ সুমন স্বৰ্গীয়াৰীৰ বাসগৃহত উপস্থিত হয় মুখ্যমন্ত্রী ড০ হিমন্ত বিশ্ব শর্মা। সেনা জোৱান জনৰ পৰিয়াললৈ ৫০ লাখ টকাৰ আৰ্থিক সাহয্য আগবঢ়ায় মুখ্যমন্ত্ৰী শৰ্মাই।
শ্বহীদ সেনা জোৱান জনৰ পৰিয়ালৰ ঘৰত মুখ্যমন্ত্ৰী সহ উপস্থিত হয় মন্ত্ৰী শ্ৰী ইউ জি ব্ৰহ্ম, বিধায়ক ক্ৰমে শ্ৰীজয়ন্ত মল্ল বৰুৱা, শ্ৰীভূপেন বড়ো, শ্ৰীলৰেন্স ইছলাৰী আৰু শ্ৰীজিৰণ বসুমতাৰী।
শ্বহীদ পৰিয়ালক সাক্ষাৎ কৰাৰ পাছত সংবাদমাধ্যমৰ ওচৰত মুখ্যমন্ত্ৰী হিমন্ত বিশ্ব শৰ্মাই উত্তৰ-পূৱৰ সকলো উগ্ৰপন্থী সংগঠনক আলোচনালৈ আমন্ত্ৰণ জনায়।কেন্দ্ৰৰ সহযোগত আলফাৰ দাবীকলৈ আলোচনাৰ পোষকতা কৰে মুখ্যমন্ত্ৰী জনে।
লগতে আলফা (স্বাঃ)ৰ যুদ্ধ বিৰতিৰ সিদ্ধান্তক আদৰণি জনাই যুদ্ধ বিৰতিৰ সিদ্ধান্তক ধনাত্মক আখ্যা দিয়ে মুখ্যমন্ত্ৰী ড০ শৰ্মাই।
তাৰোপৰি শ্বহীদগৰাকীয়ে অধ্যয়ন কৰা হিৰিম্বা বড়ো উচ্চ বিদ্যালয়ত এখন গ্ৰাম্য ষ্টেডিয়াম নিৰ্মাণ কৰা হ’ব বুলি উল্লেখ কৰে হিমন্ত বিশ্ব শৰ্মাই। লগতে শ্বহীদগৰাকীৰ বাসস্থানৰ পথটি পুনৰ নিৰ্মাণ কৰি শ্বহীদ সুমন স্বৰ্গীয়াৰীৰ নামত নামাকৰণ কৰা কথাও উল্লেখ কৰে মুখ্যমন্ত্ৰী গৰাকীয়ে।