দেশত ডিজিটেল ব্যৱস্থাৰ প্ৰসাৰৰ প্ৰতি লক্ষ্য ৰাখি ভাৰতীয় আয়কৰ বিভাগে পুৰণি পান কাৰ্ড থকা সকলৰ বাবেও নতুনকৈ ইলেক্ট্ৰনিক পান (e-PAN) কাৰ্ডৰ ব্যৱস্থা কৰিছে।
এন এছ ডি এল (NSDL) আৰু য়ু টি আই আই টি এছ এল (UTITSL)ৰ ৱেবচাইটলৈ গৈ ই-পান কাৰ্ড ডাউনলোড কৰিব পৰা যাব।
যদিহে আপুনি নতুন পান কাৰ্ডৰ বাবে আবেদন কৰিছে তেনেহ’লে আপুনি আপোনাৰ ই-মেইল আই ডিত অট’মেটিকেলি এখন ই-পান কাৰ্ড পাই যাব। যেতিয়া আপুনি ১০৭ টকাৰে পান কাৰ্ডৰ বাবে আবেদন কৰিব সেই মাচুলৰ ভিতৰতে বিনামূলীয়াকৈ আপোনাৰ ই-মেইলত ই-পান কাৰ্ড উপলব্ধ হ’ব।
পান কাৰ্ডৰ বাবে আবেদনকাৰী সকলে আবেদনৰ ৩০ দিনৰ ভিতৰত বিভাগীয় ৱেবচাইটৰ পৰা ই-পান কাৰ্ড ডাউনলোড কৰি ল’ব পাৰিব।
চৰকাৰে আধাৰ বেচ ই-কে ৱাই চিৰৰ দ্বাৰা আবেদনকাৰীক ১০ মিনিটৰ ব্যৱধানত ই-পান কাৰ্ড যোগান ধৰাৰ বাবে চিন্তা চৰ্চা কৰি আছে।
যদিহে আপোনাৰ পান কাৰ্ডখন ৩০ দিনৰ ভিতৰত আহি নাপায় তেতিয়াহ’লে য়ু টি আই আৰু এন এছ ডি এলে ই-পান কাৰ্ড ডাউনলোড কৰাৰ সময়ত অতি সামান্য পৰিমানৰ এটা মাচুল গ্ৰহণ কৰিব।
এই সময়ৰ ভিতৰত উপভোক্তাসকলে ই-পান কাৰ্ড ডাউনলোড কৰাৰ ক্ষেত্ৰত ৮.২৬ টকাকৈ আদায় দিব লাগিব।
ই-পান কাৰ্ড হ’ল ইলেক্ট্ৰ’নিকেলি ইচ্ছ্যু কৰা পান কাৰ্ডৰ পি ডি এফ ফৰ্মেট য’ত পান নম্বৰ, পিতৃ-মাতৃৰ নাম, জন্মৰ তাৰিখৰ উপৰিও আবেদনকৰাৰীৰ ফটো আৰু হস্তাক্ষৰ আবেদন পত্ৰত উল্লেখ কৰা ধৰণে সংলগ্ন কৰা থাকিব।
ই-পান কাৰ্ডত তাৰোপৰি ইনহেনছ কিউ আৰ কোড সংলগ্ন কৰা থাকিব। কিউ আৰ কোডত পানকাৰ্ডৰ গৰাকীৰ বায়োমেট্ৰিক ইনফৰমেশ্যন উপলব্ধ হ’ব। পান কাৰ্ডত থকা কিউ আৰ কোড অনলাইন আৰু অফলাইন ব্যৱস্থা সমূহতো ব্যৱহাৰ কৰিব পৰা যাব।
