মোবাইল ফোনৰ নেতিবাচক প্ৰভাৱ সম্পৰ্কে আলোচনা কৰি প্ৰায়ে ইয়াৰ ভয়াবহ বিক্ৰিয়াৰ ফলত মগজু আৰু স্নায়ু তন্ত্ৰত হোৱা ক্ষতিৰ বিষয়ে উল্লেখ কৰা হয় কিন্তু আন এটা মোবাইল ফোন সম্পৰ্কীয় গৱেষণাত ইয়াতকৈও ভয়াবহ দিশ পোহৰলৈ আহিছে।
কুইনচলেণ্ডৰ চানচাইন কোষ্ট য়ুনিভাৰ্চিটিৰ এদল গৱেষকে অলপতে চলোৱা এক গৱেষণাত মোবাইল ফোনত অত্যাধিকহাৰত মেছেজ লিখাৰ ফলত মানুহৰ হাড়ৰ গঠনৰ পৰিবৰ্তন ঘটি মুৰত অন্য কিছুমান জীৱ-জন্তুৰ থকাৰ দৰে শিঙৰ সৃষ্টি হ’ব।
অষ্ট্ৰেলিয়াৰ প্ৰায় ১২০০ গৰাকী লোকৰ ওপৰত এক্স-ৰেইজৰ সহায়ত কৰা গৱেষণাত এই ভয়াবহ কথা পোহৰলৈ আহিছে। ১২০০ গৰাকী লোকৰ ভিতৰত ৩৩ শতাংশ লোকৰ লাওখোলাৰ ভিতৰত শিঙ সদৃশ গঠনৰ প্ৰভাৱ পৰা পৰিলক্ষিত হৈছে।
বেয়া খবৰটো হ’ল এই শিঙৰ গঠনসমূহ লাওখোলাৰ ভিতৰত থকা বাবে মানুহৰ চকুত নপৰে। লাওখোলাৰ ভিতৰত শিঙ সদৃশ গঠনৰ সৃষ্টি হোৱা লোকসকলৰ ভিতৰত বেছিভাগে যুৱক-যুৱতী যিয়ে অত্যাধিক হাৰত তলমুৰ কৰি মোবাইল ফোন ব্যৱহাৰ কৰে।
উল্লেখযোগ্য যে, ঘণ্টাৰ পাছত ঘণ্টা তলমুৰ কৰি মোবাইল ফোন ব্যৱহাৰ কৰাৰ ফলত মানুহৰ ৰাজহাড় আৰু পেশীৰ ওজন মগজুলৈ সলনি হয় আৰু অত্যাধিক ওজন মগজুলৈ অহা বাবে আৰু একেৰাহে তলমুৰ কৰি থকা বাবে লাওখোলাৰ ভিতৰত টেণ্ডৰ আৰু লিগামেণ্ট বাহিৰফালে ওলাই আহিবলৈ আৰম্ভ কৰে। আৰু এনেধৰণে কিছু বছৰৰ বাবে একেৰাহে মোবাইল ফোন ব্যৱহাৰ কৰি থাকিলে গৰু, ছাগলী, হৰিণাৰ শিঙৰ দৰে মানুহৰ লাওখোলাৰ বাহিৰৰ ফালে শিঙৰ সৃষ্টি হ’ব।
আনহাতে, একেঠাইতে বহি এনেদৰে মোবাইল ফোন ব্যৱহাৰ কৰি থকাৰ ফলত মানুহৰ মগজুটো ডাঙৰ হৈ পৰিব যদিও ককালৰ তলৰ অংশ বিশেষকৈ ভৰিৰ আকাৰ সৰু হৈ পৰিব। এতিয়া আপুনি কল্পনা কৰক শিং থকা মানুহ এজনে বৃহৎ আকাৰৰ মুৰেৰে সৈতে একমাত্ৰ হাতৰ বলেৰে চুচৰি চুচৰি গৈ আছে।
