নয়ডাত এজন লোকে পত্নীৰ বিবাহ বহিৰ্ভূত প্ৰেমৰ সন্দেহ কৰি হাতুৰীৰে হত্যা কৰে এগৰাকী মহিলাক।যাৰ ফলত থিতাতে তেওঁৰ মৃত্যু হয়। আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
শুকুৰবাৰে নয়ডাৰ ১৫ নং ছেক্টৰত সংঘটিত হয় এই ঘটনা। মৃত যুৱকজনৰ নাম আছমা খান (৪২)। জানিব পৰা মতে, তেওঁৰ স্বামী নুৰুল্লাহ হাইদৰ (৫৫) সন্দেহবাদী আছিল। এই বিষয়ে তেওঁলোকৰ মাজত প্ৰায়ে সমস্যা হৈছিল। শুকুৰবাৰে তেওঁলোকৰ মাজত তীব্ৰ কাজিয়া হৈছিল, এই সময়ত নুৰুল্লাই হাতুৰী লৈ আছমাৰ মূৰত খুন্দিওৱাৰ ফলত থিতাতে তেওঁৰ মৃত্যু হয়।
এই তথ্য লাভ কৰাৰ পাছতে আৰক্ষী সেই স্থানত উপস্থিত হয়। মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। ফৰেনছিক দল এটাও উপস্থিত হয় অঞ্চলটোত। ইতিমধ্যে অভিযুক্তক গ্ৰেপ্তাৰ কৰা হৈছে।
উল্লেখ্য যে, মৃত আছমা পেছাত এগৰাকী চফটৱেৰ ইঞ্জিনিয়াৰ আছিল। তেওঁ নয়ডাৰ ছেক্টৰ ৬২ৰ এটা ব্যক্তিগত কোম্পানীত কাম কৰি আছিল। ইয়াৰ পূৰ্বে তেওঁ দিল্লীত বাস কৰিছিল। তেওঁ জামিয়া মিলিয়া ইছলামিয়া বিশ্ববিদ্যালয়ৰ পৰা অভিযান্ত্ৰিক শিক্ষা গ্ৰহণ কৰিছিল। অভিযুক্ত নুৰুল্লাহ হাইদৰ বিহাৰৰ বাসিন্দা। তেওঁ অভিযন্তাও, কিন্তু বৰ্তমান নিবনুৱা।
২০০৫ চনত বিবাহপাশত আবদ্ধ হোৱা এই দম্পতীহালৰ এজন পুত্ৰ আৰু এগৰাকী কন্যা আছে। পুত্ৰই এতিয়া ইঞ্জিনিয়াৰিং পঢ়ি আছে, আৰু ছোৱালীজনী অষ্টম শ্ৰেণীত পঢ়ি আছে। ঘটনাৰ সময়ত তেওঁলোকৰ সন্তান দুটা ঘৰত আছিল। ল’ৰাজনেই প্ৰথমে পুলিচক ফোন কৰি বিষয়টো খবৰ দিয়ে।
সমগ্ৰ ঘটনাৰ তদন্ত আৰম্ভ কৰিছে আৰক্ষীয়ে। চুবুৰীয়া আৰু আত্মীয়ৰ লগত কথা পাতি সকলো জানিবলৈ চেষ্টা কৰিছে।
