আন্তঃৰাষ্ট্ৰীয় নাৰী দিৱসৰ দিনটোত আইডিয়াই কৰ্মক্ষেত্ৰত নাৰী সকলৰ সুৰক্ষাৰ প্ৰতি দৃষ্টি ৰাখি ‘আইডিয়া সখী’ নামৰ নতুন ম’বাইলভিত্তিক সুৰক্ষা সেৱা মুকলি কৰে।
ঘৰৰ পৰা বহিৰত কাম কৰা মহিলা সকলৰ নিৰাপত্তাৰ দিশটোক উদ্দেশ্য কৰি মুকলি কৰা এই নতুন পৰিসেৱাবিধ আইডিয়াৰ প্ৰিপেইড বা পষ্টপেইড গ্ৰাহক সকলে বিনামূলীয়াকৈ লাভ কৰিব পাৰিব।
আন্তঃৰাষ্ট্ৰীয় নাৰী দিৱসৰ দিনা দেশৰ নাৰীসকলৰ প্ৰতি সন্মান প্ৰদৰ্শন কৰি আইডিয়াই অসমৰ লগতে উত্তৰ-পূৰ্বাঞ্চলৰ অন্য ৰাজ্যকেইখন আৰু ভাৰতবৰ্ষৰ আন প্ৰান্তৰ বাবে মুকলি কৰিছে এই পৰিসেৱা।
উল্লেখযোগ্য যে, ‘আইডিয়া সখী’ ৰ জৰিয়তে ইয়াৰ গ্ৰাহক উপভোক্তাই নিজৰ স্মাৰ্টফোনযোগে জৰুৰী কালীন সংকে, জৰুৰীকলীন বেলেন্স আদি সেৱা সমূহ লাভ কৰিব।
ভোডাফোন আইডিয়া লিমিটেড অভিযানৰ সঞ্চালক অৱনীশ খোছলাই নতুন পৰিসেৱাবিধ মুকলি কৰি কয় যে ভাৰতবৰ্ষৰ নাৰীসকলৰ সুৰক্ষাৰ প্ৰতি বৃহত্তৰ টেলিক’ম নেটৱ’ৰ্ক বিচাপে আমি দায়বদ্ধ আৰু এইক্ষেত্ৰত আমি প্ৰযুক্তিগত সহায় সমূহ লৈ আগবাঢ়ি যোৱাৰ বাবে বদ্ধপৰিকৰ।
