বৃহস্পতিবাৰে নতুন দিল্লীত প্ৰকাশ পোৱা ২০২৫ চনৰ সামগ্ৰিক ৰাষ্ট্ৰীয় প্ৰতিষ্ঠানিক ৰেংকিং ফ্ৰেমৱৰ্ক (এন আই আৰ এফ) ৰেংকিঙত বেংগালুৰুৰ ইণ্ডিয়ান ইনষ্টিটিউট অৱ টেকন’লজি-মাদ্ৰাছ (আই আই টি-মাদ্ৰাছ) আৰু ইণ্ডিয়ান ইনষ্টিটিউট অৱ চাইন্সে (আই আই এছ চি) প্ৰথম আৰু দ্বিতীয় স্থান দখল কৰিছে। এই শাখাত তৃতীয় স্থান লাভ কৰে আই আই টি-মুম্বাইয়ে। আৰু অষ্টম স্থান লাভ কৰে আইআইটি, গুৱাহাটীয়ে।
https://flo.uri.sh/story/3308147/embed?auto=1
বৃহস্পতিবাৰে (৪ ছেপ্টেম্বৰ) এই ৰেংকিঙৰ দশম সংস্কৰণৰ কথা ঘোষণা কৰে শিক্ষা মন্ত্ৰালয়ে।
ভাৰতীয় নেচনেল ল স্কুল অৱ ইণ্ডিয়া, বেংগালুৰু দেশৰ শ্ৰেষ্ঠ আইন মহাবিদ্যালয় আৰু এইমছ, দিল্লীক শ্ৰেষ্ঠ চিকিৎসা আৰু দন্ত চিকিৎসা মহাবিদ্যালয় হিচাপে স্থান লাভ কৰিছে।
দিল্লীৰ ভাৰতীয় কৃষি গৱেষণা প্ৰতিষ্ঠানক কৃষিৰ বাবে শ্ৰেষ্ঠ প্ৰতিষ্ঠান হিচাপে বিবেচিত হোৱাৰ বিপৰীতে বেংগালুৰুৰ ভাৰতীয় বিজ্ঞান প্ৰতিষ্ঠান গৱেষণাৰ বাবে সৰ্বোত্তম স্থান।
উদ্ভাৱনৰ বাবে ৰেংকিং শাখাত আই আই টি-মাদ্ৰাছে প্ৰথম স্থান লাভ কৰে। ইয়াৰ উপৰিও এই প্ৰতিষ্ঠানটোৱে শ্ৰেষ্ঠ অভিযান্ত্ৰিক প্ৰতিষ্ঠানৰ মৰ্যাদা লাভ কৰে, তাৰ পিছতে আই আই টি-দিল্লী।
কলকাতাৰ জাদৱপুৰ বিশ্ববিদ্যালয় শ্ৰেষ্ঠ ৰাজ্যিক ৰাজহুৱা বিশ্ববিদ্যালয় আৰু তাৰ পিছতে চেন্নাইৰ আন্না বিশ্ববিদ্যালয়।
দিল্লীৰ ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয় আছিল শ্ৰেষ্ঠ মুক্ত বিশ্ববিদ্যালয় আৰু দক্ষতাৰ ক্ষেত্ৰত চিম্বায়’ছিছ স্কিলছ এণ্ড প্ৰফেচনেল ইউনিভাৰ্চিটি হৈছে শ্ৰেষ্ঠ বিশ্ববিদ্যালয়।
আই আই এছ চি বেংগালুৰুক শ্ৰেষ্ঠ বিশ্ববিদ্যালয় হিচাপে স্থান দিয়া হৈছে, তাৰ পিছতে দ্বিতীয় আৰু তৃতীয় স্থানত ক্ৰমে জৱাহৰলাল নেহৰু বিশ্ববিদ্যালয় (জে এন ইউ), নতুন দিল্লী, আৰু মণিপাল একাডেমী অৱ হাইয়াৰ এডুকেশ্যন আছে।
ইণ্ডিয়ান ইনষ্টিটিউট অৱ মেনেজমেণ্ট, আহমেদাবাদ দেশৰ শ্ৰেষ্ঠ মেনেজমেণ্ট ইনষ্টিটিউট হিচাপে আত্মপ্ৰকাশ কৰাৰ পিছতে আই আই এম-বেংগালুৰু আৰু আই আই এম-কোজিকোড।
ফাৰ্মাচীৰ বাবে নতুন দিল্লীৰ জামিয়া হামদাৰ্ড, তাৰ পিছতে পিলানীৰ বিৰলা ইনষ্টিটিউট অৱ টেকন’লজি এণ্ড ছায়েন্স। এই শাখাত চণ্ডীগড়ৰ পঞ্জাৱ বিশ্ববিদ্যালয়ে তৃতীয় স্থান লাভ কৰে।
শ্ৰেষ্ঠ কলেজৰ শীৰ্ষ তিনিটা স্থান ক্ৰমে দিল্লী-হিন্দু কলেজ, মিৰাণ্ডা হাউচ, আৰু হন্সৰাজ কলেজ।
স্থাপত্য আৰু পৰিকল্পনাত আই আই টি-ৰূৰকীয়ে শীৰ্ষস্থান দখল কৰাৰ পিছতে নেশ্যনেল ইনষ্টিটিউট অৱ টেকন’লজি, কোঝিকোড আৰু আই আই টি-খড়গপুৰ।
