প্ৰধান মন্ত্ৰী নৰেন্দ্ৰ মোদীৰ গৃহৰাজ্য গুজৰাটৰ এখন ব্যতিক্ৰমী বিয়াত দৰাই হাতত মহেন্দিৰে C(A)A সমৰ্থন কৰো বুলি লিখি বৰযাত্ৰীৰ সৈতে কইনা গৃহলৈ আহে।
ব্যতিক্ৰমী দৰাজনে লগতে সুন্দৰকৈ সজাই পৰাই লগত এটা গৰুও লৈ আহে।
হাতত মহেন্দিৰে কা সমৰ্থনকাৰী গুজৰাটৰ এই বিশেষ দৰাজনৰ নাম হ’ল ৰোহিত গাদোদীয়া।
‘‘ৰাষ্ট্ৰবিৰোধী সকলে দেশত ভ্ৰমৰ সৃষ্টি কৰিবলৈ চেষ্টা কৰি আহিছে সেয়ে মই হাতত মহেন্দি লগাই নাগৰিকত্ব (সংশোধন) আইনৰ সমৰ্থনত সচেতনতা সৃষ্টিৰ বাবে প্ৰয়াস কৰিছো,’’ ৰোহিতে কয়।
গুজৰাটৰ বিবাহ অনুষ্ঠানত ৰোহিত গদোদীয়াৰ এই অৱতাৰে কইনা গৃহত সকলোৰে দৃষ্টি আকৰ্ষণ কৰে।
উল্লেখযোগ্য যে, নাগৰিকত্ব (সংশোধন)আইনক লৈ দেশত দীৰ্ঘ সময়ৰ পৰা বিৰোধিতা অব্যাহত আছে।
অসমত দৰাই হাতত মেহেন্দি লগাই গৰুৰ সৈতে কইনাৰ গৃহলৈ বিবাহৰ বাবে অহা দৃশ্য কল্পানাৰো অগোচৰ.
অসমতো নাগৰিকত্ব (সংশোধন)আইন বাতিলৰ দাবীত সদৌ অসম ছাত্ৰ সন্থা, অসম জাতীয়তাবাদী যুৱ ছাত্ৰ পৰিষদকে ধৰি বিভিন্ন জাতীয় আৰু জনগোষ্ঠীয় সংগঠনৰ নেতৃত্বত সংগঠিত আন্দোলন অব্যাহত আছে।
